Dili - Relasiona ho kazu
Emilia nian, halo publiku balu kestiona, tanba kazu nee iha prosesu naruk nia
laran, maibe too agora desizaun seidauk tun. Tanba nee tuir Jurista Manuel
Tilman katak, kazu nee nis prosesu iha tribunal rekursu.
“Kazu Emilia nian nee, prosesu
nee pendente iha tribunal rekursu, tribunal rekursu nia desizaun seidauk tun
mai. Kuandu desizaun husi tribunal rekursu tun ona mai, iha pozisaun rua”, dehan
Jurista Manuel Tilman ba STL iha TDD Segunda, (14/01/2019).
Tilman hatutan, bainhira desizaun
tun mai, iha pozisaun rua, advogadu sira neebe defende Emilia nee bele rekore,
ou bele la rekore. Maibe agora bele akuza mos, ou labele akuza mos.
Se tribunal rekursu nia desizaun
konfirma sentensa husi tribunal distrital dili, ita sei liu fali husi Ministeriu
Publiku, husi koperasaun judisial internasional, bele husu Portugal, atu Emilia
kumpri nia sentensa iha neeba.
Iha fatin seluk, akademika UNTL
Mario Noronha hateten, kazu kazu Emilia nian nee, laos prekupasaun ema balu
deit, maibe sai mos hanesan prekupasaun ema hotu nian. Maibe iha prosesu
justisa nia laran, la iha ema ida maka interven.
Tanba nee esperansa husi
akademika nian nee, rekursu humanus iha area justisa bele servisu ho diak, atu
deside kazu Emilia nian, no mos kazu seluk neebe sei pendente hela nee.
Notisia kompletu lee iha jornal
STL edisaun Kuarta(16-01-2019)
Terezinha De Deus | Suara Timor
Lorosae
Sem comentários:
Enviar um comentário