DILI - Primeiru
Ministru, Rui Maria de Araújo hatete, governu tenke koko atu aplika uituan
logika ne’ebé mak aplika ona ba eletrisidade nian ba mos bee moos iha kapital
Díli. “Hau nia hanoin ita persija master plan ba nasaun ne’e tomak, para
produs avastes investementu bo’ot, depois husi master plan bee moos ida ne’e
mak, hamosu rejimentu ida katak, master plan mak ne’e, osan ne’ebé mak ita
persija atu uza hodi investe mak ne’e,”katak PM Rui Araújo.
Xefe Governu ne’e
dehan, hanoin ne’e, labele konsentra de’it ona ba buat ne’ebé kikoan, maibé
tenke hanoin buat ne’ebé bo’ot ona, hodi bele hakotu problema bee moos iha
nasaun ida ne’e. Rui Araújo dehan, iha tinan 10 liu ba, situasaun
eletrisidade ninia problema ne’e, hanesan ho bee moos ne’e.
“Maibé Estadu foti
desizaun atu hamosu sentru de funsaun, liñas distribuisaun. hau nia pergunta ba
ita bo’ot sira mak ne’e, ita bele ka la’e, halo bee moos ne’e hanesan ne’e,” PM
Rui husu. Xefe Governu ne’e dehan, Governu nia rezervas sufisiente para
kria sentru produsaun bee moos bo’ot, duque kada tinan kontinua gasta
osan ba sentru bee moos ki’ik oan sira ne’e, maibé tinan ba tinan nunka mais
rezolve problema komunidade nian.
“Posibilidade atu
kria sentru produsaun bee moos ne’e iha ka la’e, se iha tanba saida mak ita la
book. Se ita bele gasta osan US$800 biloens ba eletrisidade, ita bele ka la’e
hanoin mós vensementu bo’ot ida ba tinan 10 to’o 20 oin mai,”tenik Rui
Araújo. Xefe Governu ne’e fó ezemplu katak, ema iha nasaun seluk,
komunidade sira bele loke sira nia torneira iha uma laran hodi hemu bee,
tanbasa mak Timor Leste labele halo ida ne’e. Rui Araújo afirma, se agora
eletrisidade bele lakan tama to’o fahi luhan, tanba saida mak bee labele suli
tama to’o uma laran. (BT)
Business Timor -
Roly
Sem comentários:
Enviar um comentário