Interpretasaun katak portugés hanesan susar ne'e hanesan fabrikadu

Hosi António Sampaio, Ajénsia Lusa

Interpretasaun katak lian portugés hanesan susar ne'e "hatete ho intensaun" hodi hakarak trava esforsu sira hosi Governu timoroan nian hodi avansa iha implementasaun ba lian nian iha Timor-Leste, hatete hosi primeiru-ministru ba Lusa iha loron-sesta ne'e.

"Interpretasaun katak lian portugés hanesan susar ne'e hanesan interpretasaun ho intensaun hodi evita esforsu hodi bele hetan saida maka ita hakarak", Rui Maria Araújo hatete ba Lusa durante vizita ida iha eskola ida Oecusse nian, hodi refere ba ensinu lian portugés.

"Hanesan aposta estratéjiku ida, preseitu konstitusionál ida nasaun nian no, maski susar, ami sei aposta nafatin", nia afirma.

Rui Maria de Araújo vizita iha loron-sesta iha eskola ne'ebé profesór portugés sira, ne'ebé selu hosi Portugal no Timor-Leste, hanorin lian portugés ba kuaze alunu 500 resin, esforsu ida ne'ebé aumenta iha tinan hirak ikus ne'e iha munisípiu timoroan tomak.

"Oecusse maka simu dahuluk eskola referénsia no antes ne'e iha polo ida hosi eskola portugeza nian iha Díli", esplika hosi xefe Governu ba anfitriaun vizita nian, Vitor Carvalho, profesór portugés ne'ebé kordena eskola referénsia ne'ebé ohin loron koñesidu ho naran Centro de Aprendizagem e Formação Escolar (CAFE).

Nia esplika katak, agora daudaun sentru iha labarik na'in 438 ho turma ualu hosi siklu dahuluk no daruak, turma haat pré-eskola nian, turma rua hosi 5º no turma rua hosi 6º ano. Iha fulan-Janeiru, bainhira hahú tinan eskola foun, númeru hosi alunu sira sei aumenta ba na'in 550 resin, ho turma ida hosi pré-eskola no iha 7º ano.

Eskola hosi Oecusse iha loron-sesta ne'e simu feira livru ida, organizadu hosi Embaixada Portugal nian, no expozisaun ida kona-bá tinan 500 hosi lasu entre ema portugés no timoroan sira, hosi Arquivo e Museu da Resistência Timorense.

Iha sentru eskola ne'e mós iha alunu sira hosi munisípiu tomak ne'ebé partisipa iha konkursu ida diskursu nian, iha lian portugés, no iha loron-sesta ne'e partisipa iha konkursu eskrita ba kontu sira iha lian portugés mós.

Rui Araújo destaka mós katak sira sei partisipa iha inisiativu iha lian portugés alunu sira ne'ebé la'ós hosi eskola sira referénsia nian hodi hatudu katak iha joven barak maka ko'alia iha lian portugés.

Iha loron-sesta ne'e lansa mós disionáriu Portugés-Tétun foun ida ne'ebé dezenvolve iha tinan hirak ikus ne'e.

Eventu sira organiza daudaun iha ámbitu ba serimónia sira tinan 500 bainhira portugés sira to'o iha Timor-Leste no aniversáriu ba dala 40 hosi proklamasaun independénsia nian.

SAPO TL