Husi:
Humberto dos Santos
DÍLI:
Tuir observasaun husi Organizasaun Naun-Govermental (ONG) Fundasaun Mahein (FM)
hatudu katak konflitu sentraliza iha Kapital Díli tamba kontrolu husi parte
seguransa nian menus.
Diretúr
Ezekutivu Fundasaun Mahein, Nelsón Belo dehan, durante ne’e Fundasaun Mahein
nia observa konflitu ne’ebé akontese iha komunidade nia le’et, liliu iha tempu
loron bo’ot sempre sa’e maka’as, no barak liu akontese iha kapital Díli.
Ida
ne’e, tuir nia akontese tamba parte seguransa nia kapasidade la to’o atu halo
atuasaun ba problema ne’ebé mosu. Nelsón hatete, iha Díli bainhira besik ona
loron bo’ot konflitu mós hahu mosu iha bairru sira. “Krimi mosu iha fatin-fatin
tamba kapasidade Polísia Nasional Timor-Leste (PNTL) atu atua ne’e mós tarde,”
dehan Nelsón iha nia knar fatin Fomento I, Díli, Tersa (24/11/2015).
Maski
‘duun’ PNTL laiha kapasidade, maibé Nelsón rekoñese katak kestaun seguransa
la’os iha PNTL ho F-FDTL nia liman deit, maibé iha ema ida-idak nia liman, no
inan-aman sira tenke influensia oan sira labele mai konsentra an iha Díli,
tamba serbisu la’os deit iha kapital deit, maibé iha Munisípiu serbisu iha.
“Ami
dehan bebeik ona seguransa ne’e la’os iha Militar ho Polísia nia liman,
seguransa ne’e iha ema idak-idak nia liman, entaun inan-aman influensia maka’as
para atu kria serbisu ruma iha foho ne’ebá la’os buat hotu ne’e Díli deit,”
katak Nelsón.
Tan
ne’e, nia rekomenda ba Governu atu tenki kria kampu serbisu iha kada Munisípiu
nune’e Joventude sira labele envolvimentu iha krimi.
“Governu
tenke kria kampu trabalhu ba joven, alende ida ne’e mós edukasaun ida ne’ebé
mak orienta ba serbisu, orienta ba merkadu la’os edukasaun ne’e ita kria
sarjana Hukum, sarjana ida ne’e ba, ne’e sira sarjana hotu sira bele serbisu
entaun sira bele hanoin ‘se ha’u la serbisu kria problema’,” katak nia.
Jornál
Independente, Loron Kuarta, 25 Novembru 2015
Sem comentários:
Enviar um comentário