Komisaun
Funsaun Publiku (KFP) hasai ona diretor balun iha Ministeriu Agrikultura no
Peskas (MAP) tanba kontribui mal administasaun no abuzu poder durante mandatu
eis Ministru Mariano Assanami Sabino nian.
KFP
hola medidas ‘rigurozu’ ne’e bazei ba relatoriu Deloit ne’ebe maka publiku husi
Tribunal da Contas (TC) katak, durante ne’e MAP maka komete mal administrasaun
ho abuzu de poder as liu.
“Ne’e
la’os iha hau nia tempu, maibe ami halo ona medidas iha diresaun foun ne’ebe
tau iha ministeriu ho KFP rasik hola medidas hasai ona diretor balun, agora hau
nomeia fali diretor foun balun ona hodi halo servisu,’’ informa Ministru Estadu
kordenador asuntus Ekonomia no Ministru Agrikultura no Peskas (MAP), Estanislau
Aleixo da Silva, hodi responde jornalista siras iha Centro Convenções Dili (CCD),
Tersa (24/11/2015).
Estanislau
hatete, desizaun hasai diretor balun iha MAP ne’e kompetensia KFP nian tomak,
maibe diretor sira ne’ebe ministru nomeia ne’e servisu temporariu deit, tanba
iha fulna ne’e nia laran sira sei halao rekrutamentu por meritu ba kargu
diretor sira.
‘’Keta
hanoin ne’e hau politiza, ema sira ne’ebe uluk primeriu Governu servisu ho hau
ne’e Nasoens Unidus sira mak rekruta keta hanoin hau mak rekruta,’’ hateten
Estanislau.
Numeru
funsionariu publiku ne’ebe barak tebes iha MAP durante ne’e, MAP ho KFP
estabelese ona ekipa ida hodi haree problema disiplinariu iha MAP.
Nia
dehan tenik, relatoriu Deloit nian haruka ona ba Komisaun Anti Korupsaun (KAK)
no Ministeriu Publiku (MP) hodi halo kontinuasaun investigasaun ba mal
administrasaun sira ne’ebe identifika iha MAP laran. Nia
Jornal
Nacional
Sem comentários:
Enviar um comentário