Mina Kitan ho Bayu Undan Menus, Tilman: PN Tenki redus Osan husi ZEESM

DILI - Produsaun mina Kitan ho Bayu Undan uluk kada loron produs baril rihun 100, agora tun rihun 50 kada loron, tamba nee tenki kuidadu iha despezas estadu, nunee mos tenki hamenus osan estadu husi ZEESM, tamba ZEESM sei la fo retornu ba povu Timor, iha tempu badak.

Tuir Jurista Manuel Tilman katak Mina Kitan ho Bayu Undan, iha buat tolu maka governu tenki konsidera, buat tolu nee maka primeiru produsaun petroliferu, hare ba relatoriu mai husi  Banku Sentral ida ikus nee katak uluk produs rihun 100 baril kada loron, ohin loron tun ba rihun 50 baril kada loron, nee tenki tau ba konsiderasaun.

Ida seluk uluk 140 dolares kada baril, ohin loron tun ba 132 dolar kada baril, ita iha fontes finansiamentu ida maka investimentu, iha buat ida bolu naran bons, nee ita tenki iha obrigasoes ita investe iha bons, iha Estadu Federal Amerikanu, ida seluk naran ekuitis, neebe liu husi kompania ida husi Suiza maka jere hela ita nia investementu nee, iha merkadu finanseiru Australia, Alemanha, Amerika ho Londres, nee mos tun, uluk 2 too 3%, mas agora tun ba 1%,” hateten Tilman.

Iha parte seluk Peskizador Loa Hamutuk Juvinal Dias hateten iha tinan hirak liu ba sira fo ona avisu ba governu no Parlamentu Nasional, katak TL tenki kuidadu ba dezpesa estadu, tamba rezerva minarai neebe TL agora oituan liu. Informasaun kompletu iha STL Jornal no STL Web, edisaun Sesta (27/11/2015). Joao Anibal

Suara Timor Lorosae