Pose ba Juiz Foun Iha Faze Preparasaun

DILI - Tomada de pose ba juis foun hamutuk 12 neebe oras nee sei estagiu hela, oras nee tama ona iha faze preparasaun.

Tuir Prezidente Tribunal Rekursu (TR), Guilhermino da Silva katak, tomada de pose ba juiz foun hamutuk 12 agora dadaun iha ona faze preparasaun nia laran. Maibe seidauk hatene bainhira mak atu halo tomada de pose ba sira.

Agora hau seidauk bele koalia kona ba bainhira mak atu halo tomada de pose ba juiz foun 12 neebe maka remata ona sira estagiu. Hau la hatene, kuandu sira prepara hotu maka hau foin bele koalia sai ba publiku. Bele fulan ida nee nia laran ou selae inisiu de Janeiru 2016,” hatete Prezidente TR Guilhermino ba jornalista foin lais nee iha salaun Sentru Formasaun Judisiariu Caicoli, Dili.

Nia hatutan, juiz foun hamutuk 12 neebe atu simu pose nee aumenta tan ho juiz tuan sira hamutuk 34 juis ona. Ho numeru nee sufisente ona ba tribunal distrital hat neebe mak iha ona hanesan Tribunal Distrital Dili, Baucau, Suai ho Oecusse.

Juiz foun 12 nee iha tempu besik sei simu tomada de posse. Antes nee sira halao ona estagiu iha Tribunal Distrital hat hanesan Dili, Baucau, Suai no Oecusse durante tinan ida nia laran.

Iha fatin seluk, juis estagiariu neebe lakohi temi naran hatete, sira nia estagiu remata ona. Neebe agora dadaun sira hein deit tomada de pose husi Presidenti Tribunal Rekursu. Hodi halao julgamentu iha tribunal hat neebe mak iha ona.  Informasaun kompletu iha STL Jornal no STL Web, edisaun Kinta (10/12/2015).Domingas Gomes

Suara Timor Lorosae