CPD- RDTL REATIVA KONTRA REZOLUSAUN GOVERNU

Consellu Popular Demokratiku Republika Demokratika Timor Leste (CPD-RDTL) reativa ninia atividade ne’ebe sei konsentra hotu iha Dili, hodi kontra rezolusaun Governu ne’ebe mak fo sai iha tinan 2013 katak CPD-RDTL labele ejisti.

Tuir informasaun katak, CPD – RDTL ne’e sei konsentra iha Dili, no sei hala’o enkontru iha edifisiu Comisaun Nasional Eleisaun (CNE) ne’ebe sei foka liu ba asuntu elisaun 2017 nian.

Segundu Komandante Jeral Polisia Nasional Timor Leste (PNTL), Komisariu Faustino da Costa informa kestaun ne’e  wainhira simu relatoriu husi komandante munisipiu sira katak CPD-RDTL sei konsentra iha Dili.

Nia dehan, kosentrasaun CPD-RDTL ne’e liga ba eleisaun 2017 nian, ne’ebe sei hala’o sira nia aktividade iha salaun CNE nian, maibe haree rezolusaun ne’ebe mak Governu fo sai CPD-RDTL labele ejisti.

“Haree ba kestaun ida ne’e, rezolusaun ne’ebe Governu fo sai  iha 2013 katak labele iha ona grupu ou buat ida babain ita bolu CPD-RDTL katak ne’e labele ejisti,” Komisariu Faustino da Costa ba Jornalista sira iha ninia knra fatin, Kuartel Jeral PNTL, Caicoli, Kuarta (01/06/2016).

Nia hatutan, CPD-RDTL rasik deklara ona sira intrega a’an ona ba sira nia komunidade, sira nia bairo no fatin origin ne’ebe sira hela ba para halo aktividade seluk, la’os hala’o atividade.

“Haree ba dekretu lei numeru 1/ 2016, iha ne’eba hatete momos sei deit, ba se deit bele halo konfrensia ba imprensa, enkontru bele halo manifestasaun, maibe tenke-ser notifika, informa ba husu autorizasaun polisia nasional,” esplik nia.

Nia dehan, t’oo agora sedauk iha notifikasaun ruma mai komando jeral polisia katak sei iha mobilizasaun masa ne’ebe maka barak.

Haree husi istimasaun, nia dehan ema sira ne’ebe maka atu konsentra iha Dili hamutuk 2000, signifika numeru ida ke bo’ot, parte komando bolu komandante distritu, munisipiu sira hotu monotriza.

“Husi parte seguransa nian ami kontinua monotoriza mais tuir lei labele ejisti ona buat ida CPD-RDTL para sira nia aktividade ha’u oreinta ona para cekpoint atu halo barazen de estradas, para sira tama ho diak fila mos fial ho diak,”hatutan nia.

Nia dehan, komando orienta ona ba komando munispiu kordena ho parte CNE konaba fatin, prezidenti CNE hatete iha konkordansia bele uja ba aktividade iha salaun CNE, maibe ajenda ne’ebe komando simu husi munisipiu sira aktividade ne’e sei hahu husi, (2-3 to 4/06/2016) polisia kontinua asegura.

Nia hatutan ema sira ne’e sei mai husi munisipiu hotu-hotu ne’ebe kada munisipiu sei delega ema atus ida, feto ou mane, tanba ne’e parte leste nian konsentra ona iha Hera.

Nia informa mos, komando hetan karta husi munisipiu sira, kordenador jeral CPD-RDTL señor Asukai maka  organiza refere, iha mos prezensa husi altaintdade lubuk  sei orerador ba aktividade ne’ebe mak sei halao iha salaun CNE.Eus

Jornal Nacional