sexta-feira, 3 de junho de 2016

IMPLEMENTA DOMIN LALOS RISKU BA HIV/SIDA


Sekretariu Exekutivu CNCS_TL Daniel Marcal dehan oras ne’e dadauk ema barak mak kona moras HIV/SIDA tanba konsekuensia husi implementa domin loos ba malu, basa domin liu husi liafuan deit ladun furak.

“Oras ne’e dadauk ema barak kona hiv tanba konseskuesia husi feto ida ho mane ida sira nain rua  implemeta domin ne’e mak lalaos hanesan mane ida gosta feto ida lakohi lori malun ba iha uma maibe sira lori malu ba fali tuir iha tasi ibun , jardin sira ne’e  to’o ikus sira implemeta domin lalos entaun ema balun falha domin bele kona fali hiv- sida “ informa Sekretariu CNCS-TL Daniel Marcal ba Jornalista sira hafoin de sensebilizasaun hiv- sida ba estudante sira iha  instituto Superior Cristal Dili, Kuarta (1/6/16).

Nia hatutan tan, durante ne’e Sekretariu CNCS-TL observa, risku ida bo’ot iha ita nia rai laran ne’e mak buat ida ransu livre no seksu livre ema barak kona hiv, ema barak sai susar ba nia moris to’o agora.

“ami hare tempu agora ransu livre no seksu livre bele estraga tiha futuru ema nian, nasaun nian iha mundo tomak akontese ona buat ne’e entaun komisaun hare katak estudante sira ne’e tama iha konteksu ninia laran risku tebe- tebes ba sira imi hare deit agora iha tasi ibun, jardin neba iha fatin seluk- seluk ne’eba joven sira no estudante sira haluha tiha sira nia eskola haluha tiha sira nia futuru kuando sira hare feto ka mane diak ida sira tur iha neba haluha tiha sira nia futuru risku tebes ba sira bele kona hiv-sida,”haktuir nia.

Relasiona ho hahalok sira ne’e CNCS-TL enkoraja ema hotu liu-liu joven sira tenki proteze an husi moras hiv/sida, tanba imi mak futuru nasaun nian.

“Joven sira mak riku soin nasaun nia tanba ne’e imi tenki kuidadu imi nia an para labele kona moras hiv tanba moras ida ne’e nia aimoruk atu kura laiha,“ dehan nia . car

Jornal Nacional

Sem comentários: