Diretór
ONG Asia Justice and Rights (AJAR), José Luis Oliveira hateten membru
Parlamentu Nasionál (PN) obrigatoriamente halo diskusaun ba altetarasaun Lei
Pensaun Vitalísia tanba de’it tauk sira nia partidu lakon iha eleisaun jerál
tinan oin mai (2017).
“Klaru,
ho kualidade deputadu ida agora ne’ebé ladun besik ba povu hodi senti povu nian
moris, nune’e laiha vizaun di’ak ba futuru Estadu ne’e, maka vontade polítika
ba revizaun lei ne’e laiha duni,” José Luis dehan ba Matadalan liuhusi rede
sosiál (FB), Sesta (23/9).
Tuir
nia hanoin katak la presiza elimina totál lei refere maibé altera provizaun
sira ne’ebé kontraditóriu ho prinsípiu konstitusionál sira (igualdade, justisa
sosiál, anti vitalísiu). Nune’e mós tenki tuir prinsípiu rejime pensaun
kontributiva (benefisiáriu pensaun ne’e tenki kontribui osan balun durante nia
serbisu ba fundu pensaun no foin bele simu bainhira ho idade reformadu, tinan
60).
Nune’e
mós, ativista direitus umanus ne’e hatutan, tenki tuir prinsipiu ne’ebé vigora
iha rejime taxa proposionál katak ema ne’ebé simu osan boot tenki selu taxa ho
proposionál. Labele livre fali hosi taxa.
Iha
Kinta (22/9), Parlamentu Nasionál aprova ona alterasaun Lei Pensaun Vitalísia
iha jeneralidade ho votus unanimidade. Projetu alterasaun lei refere plenária
despaisa ona ba Komisaun Eventuál hodi halo diskusaun espesialidade molok halo
aprovasaun finál no global iha plenária. (anbl)
Matadalan
Sem comentários:
Enviar um comentário