DILI,
(ANTIL) - Estelista timoroan, Rui Carvalho ba ANTIL iha Sentru
Konvensaun Dili, Tersa, (6/12/2016) hatete, tais Timór nu’udar arte ida,
bainhira uza tais ne’ebé mai husi orijen soru nian, iha nia valór oin seluk ho
tais imprime.
“Sé
ha’u hatais ida imprime ne’e, hotu tiha ha’u bele so’e ona maibé ida soru
rasik ha’u hatais, sente katak ninia nyawa (klamar) ne’e melekat (belit) ho ita
Timór”, Diretór Rui Collection ne’e hatete.
Estelista
ne’ebé hadomi tebes nia produtu lokál hatete, ojetivu tolu ne’ebé nia foti mak
prezerva tanba sei lalakon to’o aban-bainrua. Promove tais, katak Timór iha nia
soru tais rasik no tais nu’udar arte ida. Nune’e foti nia ba iha nivel moda,
atu ema bele hadomi liután tais.
Entretantu,
husu kona-ba tais ne’ebé sei halo sai hanesan hena liuhusi imprensaun, nia
dehan, depende ba oinsá atu promove tais ne’e. “Ha’u mós espera katak sira uza
nafatin motivu ne’ebé orijinál tais ninian tanba iha parte balun ha’u-nia ema
dehan tais ne’e ema uza manas liu maibé ida ne’e fila ba ema ida-idak nia an
rasik, hadomi Timór ka la’e? Nia hakarak promove Timór liuhusi tais ka la’e?”.
Kona-ba
premium, liuhusi parte ne’e promove duni tais liuhusi motivu ne’ebé iha no
espera fó mós oportunidade ba soru tais na’in sira atu prodús tais hodi nune’e
guarda nafatin orijinalidade para labele lakon.“Ita hatene katak sé halo sai ba
hena, ita labele haluha ida soru ne’e mak importante liu”, Rui
dehan. (Jornalista : Maria Auxiliadora/Editor: Otelio Ote)
Foto:
Rui Carvalho, estelista timoroan. Foto, ANTIL/Egas, Tersa, 6/12/2016.
Sem comentários:
Enviar um comentário