DÍLI,
(ANTIL) — Prezidente Comissão Nacional das Eleições (CNE),
Alcino de Araújo Baris hateten, Tribunal mak deside partidu politika (Parpol)
legal iha Timor – Leste, nazeia ba lei partidu politika.
”Agora balun dehan partidu polítika iha Timor-Leste hamutuk 32 ka 33 ka seluk
tan. Ne’e hanesan espekulasaun de’it, tanba atu loloos ne’e Tribunál mak sei
deklara loloos,” Alcino de Araújo Baris ko’alia ba jornalista sira iha Kampaun
UN, Kaikoli, Díli, Segunda (05/12).
Nia
esplika, oras sei iha faze indentifikasaun atu hatene loloos Timor-Leste
ohin-loron iha partidu hira mak prienxe kondisaun, atu konkore iha eleisaun
2017.
”Maske
sira halo ona inskrisaun iha Ministériu Justisa, sira-nia estatutu rasik hetan
ona aprovasaun husi Ministériu Justisa, Tribunál Rekursu, maibé ne’e
provizóriu,” nia dehan tan.
Ikus
mai mak iha fali kontestaun ruma, reklamasaun ruma, bele to’o Tribunál Rekursu,
Tribunál rekursu iha kompeténsia tomak revé fali hodi determina katak partidu
polítiku ne’e iha kondinsaun ka lae, prezidente CNE haktuir tan.
Husu
kona-ba inspesaun, prezidente CNE ne’e informa, inspesaun ne’e la’o hela maibé
seidauk konklui. “Ami asume mós kargu hanesan halo resensiamentu, tantu rai
laran nomós rai li’ur. Pesoál sira ne’ebé mak selesionadu tiha ona atu ba halo
inspesaun ne’e sei fahe malu hela. Balun sei halo hela formasaun iha rai li’ur,
ne’ebé ami sei hela sira-nia prezensa. Nune’e iha fim-do-mês ita sei hatene nia
prosesu ne’e,” nia informa.
Iha
Konstituisaun Repúblika Demokrátika Timor-Leste (RDTL) artigu 7o (sufrájiu
universál no multipartidarizmu) ne’ebé haktuir katak 1). Povu hala’o nia kbiit
polítiku liuhusi sufrájiu universál livre, diretu, sekretu no periódiku, no liu
husi forma seluk tan ne’ebé hakerek ona iha Lei-Inan.
2).
Estadu fó valór ba partidu polítiku sira-nia kontribuisaun atu povu hakatak-sai
nia hakark rasik tuir organizasaun, no ba sidadaun nia partisipasaun
demokrátiku iha hahalok ukun nian iha nasaun laran. Timor-Leste restaura
indepedénsia iha loron 20 Maiu 2002. (Jornalista: Rafy Belo/Editor:
Otelio Ote)
Sem comentários:
Enviar um comentário