DILI,
(ANTIL) - Parlamentu Nasionál (PN) liuhosi plenaria, Tersa (6/12) aprova osan
ho montante milloens USD $86,074 ba Ministériu Edukasaun (ME) hodi ejekuta iha
tinan 2017, ho votu avabor 63, kontra 0 no abstain 0.
Orsamentu
ME milloens $86,074 fahe ba Salariu vensimentu milloens USD $60,010. Bens
servisu milloens USD $23,983 no transferensia públikas hamutuk milloens USD
$2,082.
Ministru
Edukasaun António da Cenceição hatete, iha tinan 2017 iha programa tolu
iha Ministériu Edukasaun desentraliza ba iha Municipiu.
“Programa
ne’ebé Ministériu Edukasaun (ME) fó ba Municipiu sira mak hanesan, programa
merenda escolar, jestaun pre-eskolar inklui programa ensino rekorenti,”
Ministru António da Cenceição esplika ba Deputadu sira iha plenaria, Tersa
(6/12).
Kona
ba ensino rekorenti, António da Cenceição hatete, maske nia rezultadu la
signifikativu, maibé realidade hatudu ona, katak, elisaun xefi suku foin lalais
ne’e entre xefi do suku ne’ebé mak eleitu no pose ona, iha na’in rua mak sira
akaba nia estudu hosi perograma ensino rekorenti.
“Ensino
rekorenti ne’e ajuda fó formasaun ba ema sira ne’e uluk lakon nia direitu
estuda tanba kondisaun,” Ministru António da Cenceição esplika.
Xefi
suku na’in rua ne’e, ida hosi Maliana, munisipiu Bobonaro . Tuir António
da Cenceição, Ministériu Edukasaun mós aleinde hala’o programa ensinu
rekorenti, iha mós programa ida naran izame ekuivalensia, mós
intensaun hanesan ensinu rekorenti.
Primeiru
Ministru Rui Maria Araújo reforsa, hodi hatan ba preokupasaun deputadu ne’ebé
kestiona kona ba lingua aprendisajem iha ensino katak, kestaun lingua problema
boot. Maibé , Gvernu oras ne’e hahú ona polítika hodi buka uniformiza iha
eskola no administrasaun kona-ba utilizasaun lingua.
Iha
oportunidade hanesan deputadu FRETILIN Eladio Faukulto husu atu Ministériu
Edukasaun tenki rezolve ona dividas Universidade Nasionál Timor Lorasa’e
nian. (Jornalista : Manuel Pinto)
Foto:
Ministru Edukasaun, Antonio da Conceição.
Sem comentários:
Enviar um comentário