Orsamentu dahuluk Seguransa Sosial timoroan nian ho reseita dolar millaun 27

Orsamentu dahuluk Seguransa Sosial (OSS) timoroan nian, ne'ebé Parlamentu Nasional aprova semana ne'e, kalkula reseita total sira hamutuk dolar millaun 26,99 iha 2017, ho kontribuisaun sira durante tinan ne'ebé aumenta ba dolar 22,75.

Aprovasaun OSS, hamutuk ho votasaun no aprovasaun ikus no global hosi Orsamentu Jeral Estadu nian ba 2017, sei marka, hahú loron 01 Janeiru, aranke istóriku hosi Rejimi Kontributivu dahuluk Seguransa Sosial Timor-Leste nian.

Objetivu maka harii "orsamentu independente ida, ne'ebé integra verbas sira ne'ebé entrega hosi traballadór sira no entidade empregador sira".

Proposta hosi Governu subliña katak orsamentu ne'e"konsagra hanesan instrumentu sentral hosi kontrolu no akompañamentu hosi evolusaun no planeamentu sistema nian hosi órgaun soberania nian, aprezenta konjuntu mekanizmu sira kontrolu nian no aprovasaun hanesan ne'ebé asisti Orsamentu Jeral Estadu nian, no apresiadu no aprovadu izoladu maibé iha siklu anual ne'ebé hanesan".

Konta sira OSS nian kalkula ba tinan 2017 kontribuisaun ho dolar millaun 22,75, ne'ebé sei tau hamutuk ho transferénsia habitual OGE nian o folin dolar millaun 4,23.

Despeza global sira aumenta ba dolar millaun 4,95 hodi haree ba "saldu pozitivu ida entre folin despeza sira nian no reseita sira hosi Seguransa Sosial hodi konverte ba Fundu Rezerva Seguransa Sosial nian" iha tinan oinmai nia rohan.

Iha fulan-Outubru nia rohan, no iha sekuénsia hosi aprovasaun ba rejimi foun ne'e, Governu aprova ona dekretu-lei hosi kriasaun ba Institutu Nasional Seguransa Sosial (INSS) nian, haruka ona ba Prezidénsia Repúblika hodi promulga.

Integra iha administrasaun indiretu hosi Estadu, INSS sei hanesan responsável hodi jere no ezekuta sistema Seguransa Sosial ne'ebé aprova hosi Parlamentu Nasional iha loron 18 Outubru.

Institutu maka "elabora no jere orsamentu, garanti rekoñesimentu hosi direitu sira no kumprimentu ba obrigasaun espesífiku sira no hametin aplikasaun hosi akordu internasional sira iha ámbitu Seguransa Sosial nian".

Klasifikadu hanesan istóriku, aprovasaun hosi rejimi Seguransa Sosial hanesan hakat ida tan iha serbisu ne'ebé halo iha Timor-Leste iha nível hosi medida sira no programa sira hosi asisténsia no asaun sosial no iha nível seguransa sosial, ne'ebé hanesan, iha kazu rua, ho natureza la'ós kontributivu.

Tinan-tinan Timor-Leste gasta dolár millaun 150 iha prestasaun sosial oioin ne'ebé la'ós kontributivu: rejimi tranzitóriu ba funsionáriu públiku sira (millaun 1,32), asisténsia sosial, inklui pensaun hosi veteranu sira (millaun 106), apoiu ba ema katuas-ferik sira no defisiente sira (millaun 30,9) no bolsa inan nian (millaun 8,5), no seluk tan.

SAPO TL ho Lusa