Kandidatura PR Rezistu Iha TR Tenke Apoiantes Rihun 5

DILI – Kandidatura Prezidente Republika (PR) tempu ba sira loron 20, hodi rezistu iha Tribunal Rekursu (TR) ho apoantes husi Nasional rihun 5, no apoiantes husi Distrital rihun 100, rejistu hahu husi PR Taur anunsiu data elisaun iha dia 16 Janeiru too dia 07 Febreiru, liu loron ida nee Tribunal Rekursu sei la simu.

Tuir Prezidente Tribunal Rekursu Guilhermino da Silva katak agora iha ona publikasaun husi Prezidente Republika, komesa husi dia 16, depois sira iha tempu 20 dias para aprezenta sira nia kandidatura iha Tribunal Rekursu.

Agora sira mia foti formulariu ba prense depois kompleta sira nia dokumentus sira atu aprezenta hamutuk ho lista kandidatura nee, depois ami mos tenke hare didiak ema neebe apoiantes sira nee, apoiantes nee husi Nasional minimu tenke rihun 5, iha Distrital minimu rihun 100, ida nee tenke prense, se la prense ami la bele simu,” hateten Guilhermino, ba Jornalista sira iha nia knar fatin, Caicoli, Dili, Kinta (19/01/2017).

Nia dehan Kandidatura Prezidente Repblika atu ba rezistu tempu ba sira loron 20, hahu husi Prezidente anunsia sai data elisaun, iha dia 16, ba sira hahu husi dia 17 too dia 7 Fevereiru nee loron rezistu remata, se liu ida nee la bele.

Iha parte seluk Observador Politika Anteiro Gomes hateten kandidatura sira neebe durante nee fo sai ona ba publiku hanesan Fransisco Guterres Lu-Olo, Antonio Fatuk Mutin, Samala Rua, Jose Neves no sira seluk tan, sira iha matenek no kapasidade atu lidera nasaun nee. Informasaun kompletu iha STL Jornal no STL Web, edisaun Sesta (20/1/2017). Joao Anibal

Suara Timor Lorosae