Sosiedade Sivil Husu Prezidente Taur Veta Lei Pensaun Vitalisia

DILI - Lei Pensaun vitalisia neebe Parlamentu Nasional (PN) halo alterasaun maibe lakonsege hamos total, sosiedade sivil husu Prezidente Republika Taur Matan Ruak atu veta lei pensaun Vitalisia.

Tuir Diretur Interinu Luta hamutuk Jose Alves da Costa hatete povu ho kondisaun neebe mak kontinua moris kiak tan nee hein katan prezidente Republika Sei veta lei pensaun Vitalisia.

Ami husu ba prezidente Republika atu bele veta tamba lei nee la benefisia ba povu, maske pensaun ba prezidente 100% maibe ami fiar Prezidente sei veta tamba nia hanoin povu sei moris terus no kiak nia laran,” dehan Jose ba jornalista Sesta (20/01/2017) iha Nia knar Fatin Falor.

Pozisaun sosiedade sivil nian la muda maske Parlamentu halo ona alterasaun ba lei pensaun vitalisia, maibe sosiedade sivil hakarak halakon tamba laiha valor no laiha justisa neebe justu ba ejistensia lei pensaun vitalisia.

Iha fatin ketak Prezidente Komisaun Eventual ba redusaun Pensaun vitalisia deputada Izilda Soares hatete Parlamentu Nasional aprova ona alterasaun lei mensal vitalisia no deputadu sira iha Parlamentu iha hanoin, Prezidente Republika nee direitu la hanesan deputadu sira Tanba Prezidente Republika povu hili direita. Informasaun kompletu iha STL Jornal no STL Web, edisaun Sabado (21/1/2017). Timotio Gusmao

Suara Timor Lorosae