sexta-feira, 20 de janeiro de 2017

Lalika Mehi Doko Fretilin, Lu-Olo Sei Manan Iha Bobonaro

DILI - Militante no simpatazante partidu Fretilin fiar katak, sira nia Kandidatura ba Prezidente Republika 2017 Francisco Guterres Lu-Olo sei manan eleisaun iha Munisipiu Bobonaro, tanba total militante iha Munisipiu neeba hamutuk katorzi mil.

Tuir Koordenador Partidu Fretilin Munisipiu Bobonaro atual deputadu bankada Fretilin Paulo Moniz Maia, lalika mehi atu doko partidu Fretilin iha eleisaun 2017, tanba Militante partidu Fretilin nian iha Munisipiu Bobonaro foin dadauk eleisaun direita nee kuaze 14 mil, no sei aumenta tan iha eleisaun jeral mai.

Militante partidu Fretilin foin dadauk ami halo eleisaun direita hili ami nia lideransa nee kuaze katorzi mil nee ema balu laba vota, tanba nee ami garante katak, sei apoia tan ho partidu sira seluk Francisco Guterres Lu-Olo sei manan iha Bobonaro,” dehan Paulo ba STL, iha PN, Dili, Kinta (19/01/2017).

Nasun Timor Leste tuir deputadu Paulo katak, demokrasia sidadaun idak idak iha direitu atu bele kandidata nia aan ba kualker posizaun hanesan Prezidente Republika, maibe atu sai Prezidente Republika nee figura ida neebe ke koinesidu iha rai laran.

Iha fatin hanesan Koordenadora Komisaun Politika partidu Fretilin Munisipiu Dili Florentinha Smith garante katak, kandidata Prezidente Republika husi partidu Fretilin Francisco Guterres Lu-Olo sei manan iha Munisipiu Dili, tanba  hare husi eleisaun direita partidu nian foin lalais nee. Informasaun kompletu iha STL Jornal no STL Web, edisaun Sesta (20/1/2017). Carme Ximenes

Suara Timor Lorosae

Sem comentários: