Povu Wai-oli Husu Taur Kumpri Promesa Vizita Suku

DILI – Lideransa Komunitaria husi Postu Administrativu Venilale, Munisipiu Baucau halo audensia ho Prezidente Republika Taur Matan Ruak, hodi husu promesa Prezidente neebe atu halo Vizita suku Wai-oli, ba Dala rua antes mandatu remata.

Remata enkontru ho Prezidente Republika Taur Matan Ruak, eis Xefi Suku Wai-Oli, Postu Administrativu Venilale, Munisipiu Baucau, Leoncio Hendrique Guterres hatete marka prezensa iha Palasiu Prezidensia, hodi konfirma promesa Prezidente nian neebe halao vizita tan ba iha suku Wai-Oli.

Hau mai konfirma los ba iha Prezidente Republika neebe promote mai hau atu halo fali segunda vizita mai iha hau nia suku, tamba nee hau mai konfirma los, tamba Prezidente mak promote mai hau” dehan Leoncio ba Jornalista Kinta (19/01/2017) iha Palasiu Prezidensial Nicolao Lobato.

Nia hatete Prezidente Republika Taur Matan Ruak disponivel hodi halao tan vizita ba dala rua iha suku Wai-Olo, postu Administrativu Venilale, Munisipiu Baucau, iha fulan Abril tinan nee. Leoncio dehan rajaun Prezidente Republika halao segunda vizita nee prezidente Republika mak iha kompetensia hodi esplika ba publiku, tamba prezensa neebe iha atu halo deit konfirmasaun ba promesa neebe mak konsege halo tiha ona.

Iha fatin ketak Observador Politika Jose da Costa hatete vizita Prezidente Republika neebe halao kada suku nee diak ba nasaun, tamba lori ukun hakbesik povu nunee povu senti ukun Aan. Informasaun kompletu iha STL Jornal no STL Web, edisaun Sesta (20/1/2017). Timotio Gusmao

Suara Timor Lorosae