Paris kalkula katak ema fransés na'in 700 halo parte hosi EI iha Síria no Irake

Paris kalkula katak besik na'in 700 hosi ema fransés ka rezidente sira iha nasaun ne'ebé maka halo parte iha autoproklamadu Estadu Islámiku (EI) iha Síria ho Irake, iha universu ida hamutuk ema europeu na'in 3.000.

Iha entrevista ida ba jornal Le Figaro, ne'ebé publika iha loron-kuarta, responsável hosi Unidade Kordenasaun ba Luta Antiterorizmu (UCLAT), Loïc Garnier, afirma mós katak besik rihun ida resin, sei iha Fransa, hakarak asosia ho grupu extremista.

Loïc Garnier rekoñese katak seidauk hatene to'o bainhira maka kandidatu sira iha disponibilidade ba "jihadista", ne'ebé agora iha susar maka'as hodi tama iha Síria no iha Irake, maibé atu konfirma ne'e sai hanesan tarefa ida hosi serbisu sekretu sira nian.

Identifika mós kombatente na'in 200 resin hosi EI ne'ebé liuhosi Síria no Irake no fila fali ba Fransa, no sira seluk ne'ebé sei iha Médiu Oriente maibé hakarak atu fila, maibé "impermeabilizasaun" hosi fronteira sira Turkia inan no situasaun militar halo viajen ne'e sai susar tebes.

Garnier afirma ona katak sira ne'ebé fila simu kedas interogasaun hosi Justisa, sai prezu ka hetan kontrolu ka bainhira iha tinan ki'ik tama iha estrutura sosial sira.

Kona-ba perfil hosi ema kombatente sira ne'ebé fila ona ba Fransa, Garnier hatete kona-ba tipu tolu ne'ebé la hanesan: ema sira ne'ebé halo funu no lakohi kontinua, parte "minoritáriu" ida ne'ebé iha misaun hodi halo atentadu sira iha Fransa hodi EI nia naran no "grupu" ida hosi ema sira ne'ebé sei determina katak sira hanesan perigozu ka la'e" no "grau hosi previzibilidade hosi sira nia asaun".

Kona-ba asuntu ne'e, nia indika ona katak balun hatene ona durante nia esperiénsia iha EI hodi "dispara lahó tauk hasoru mane ka feto sira, hatudu aten-barani iha asaun, hanesan akontese iha Bataclan", sala espetákulu iha Paris ne'ebé hetan atake iha loron 13 Novembru 2015.

Tuir UCLAT, iha área sira ne'ebé EI kontrola, iha feto franseza na'in 290 resin ka sira ne'ebé hela iha Fransa no labarik na'in 460, barak moris iha fatin ne'ebá ka labarik sira ne'ebé seidauk iha tinan haat.

SAPO TL ho Lusa