Partidu
CNRT, PD no FRENTI MUDANÇA, to’o oras ne’e seida’uk deside kandadidatu ba
Prezidenti Repúblika (PR) hodi kompete iha eleisaun presidensial 20 Marsu mai.
Data
eleisaun Prezidensial nian sei hala’o iha dia 20 Marsu no fo tomada de posse ba
Prezidente Repúblika foun iha 20 Maiu, tinan 2017.
Xefi
bankada CNRT, Natalino dos Santos dehan, kongresu nasionál CNRT nian seida’uk
realiza, kandidatu CNRT nian ba Prezidenti Repúblika mós seida’uk deside.
“Kuandu
kongresu deside ona, mak ha’u portavos atu denunsia buat ne’e ba povu, maibé
kongresu mak sei deside CNRT nia kandidatura iha ka la’e,” informa Natalino dos
Santos ba jornalista sira iha Parlamentu Nasionál, Tersa (17/01).
Nia
dehan, CNRT iha potensia barak atu kandidata-an ba Prezidenti Repúblika, maibé
iha kongresu nasionál mak lider CPN sira mak sei deside.
Alende
ne’e, Deputadu Adriano João husi bankada Partidu Demokratiku (PD), hatete
katak, PD seida’uk deside nia kandidatu ba Prezidenti Repúblika.
“Husi
bankada PD nian, to’o oras ne’e, seida’uk identifika lolos, tanba liu husi
kongresu mak bele determina, tanba ne’e, ami seida’uk iha kandidatu atu bele
avansa ba Prezidenti Republika,” relata Adriano João.
Nia
esklarese, PD sei halo kongresu nasionál iha fulan Febreiru ne’e nia laran, i
iha kongresu mak sei foti desizaun konaba kandidatu PD nian ba Prezidenti
Repúblika.
Nia
afirma, dezisaun PD nian ne’e, la’os dezisaun individual, maibé dezisaun
polítiku.
Nune’e
mos, Xefi bankada FRENTI MUDANÇA, José Luis Guterres, dehan, Timor oan sira
ne’ebé hakarak sai kandidatu ba Prezidenti Repúblika ne’e, kandidata-an ba hodi
servi povu Timor Leste.
José
Luis dezeza susesu ba kandidatu sira hotu, no tenki halo kampaña ho didi’ak atu
kria estabilidade para Timor ne’e bele ba oin nafatin.
“Konaba
ami iha kandidatu ka la’e, ida ne’e ami seida’uk haree, maibé ami nia focus
ne’e, atu habelar FRENTI MUDANÇA nia hanoin,i hakarak fó programa ida di’ak ba ita
nia povu,” katak José Luis Guterres.cos
Jornal
Nacional
Sem comentários:
Enviar um comentário