DILI: Administrasaun
Munisipiu Dili planeia ona atu muda vendedór sira ne’ebé hala’o negosiu iha
Merkadu Tais, Kolmera. Ba planu ne’e, vendedór sira aseita, maibé sira husu mós
atu kria kondisaun balun, liliu fatin ba sira atu hela.
Durante
ne’e, vendedór sira iha Merkadu Tais la’os sai de’it hanesan fatin negosiu,
maibé sai mós hela-fatin ba sira, tan ne’e, kondisaun prinsipal ne’ebé sira
husu ba Administrasaun Munisipiu Dili mak hela fatin.
Foin
lalais, Prezidente Autoridade Munisípiu Dili, Gaspar Soares Autoridade
Munisípiu Dili sei muda negosiante Merkadu Tais.
Gaspar
hatete, nia parte finaliza ona Bill of Quantity (BoQ) ba konstrusaun foun
Merkadu Tais ne’ebé sei harii iha area Audian.
Kordenadór
Merkadu Tais, Domingos dos Santos dehan, nia parte seidauk rona informasaun no
parte munisipiu seidauk halo aprosimasaun ruma.
Maske
nune’e, nia deklara prontu atu kolabora bainhira Administrasaun Munisipiu Dili
muda negosiante sira sai husi fatin ne’ebé daudauk ne’e sira okupa.
Maibé,
nia dehan, kondisaun prinsipal ne’ebé presiza haree mak vendedór sira-nia
hela-fatin.
“Bele
muda maibé buat ida produsaun ho liman la hanesan ho loza sira ne’ebé husik
de’it loron mak fa’an. Ami mós tenke hela iha ne’eba, tanba kalan mak ami
produs tais," deklara Domingos ba Olatimornews iha Merkadu Tais, Kolmera,
Sesta
(3/2).
Tuir
nia, Merkadu Tais ne’ebé ho Baraka 45 ne’e sufisiente no sira okupa ona dezde
tempu okupasaun Indonezia.
"Governu
atu muda ami karik, fatin ne’e labele klot, tenke luan, atu bele fó fatin ba
estranjeiru sira ne’ebé mak mai sosa produtu mós bele hola anin uitoan,"
dehan
Domingos.
Nia
dehan, area Kolmera nudar area ne’ebé estratejiku ba sira atu fa’an sasan, tan
ne’e husu ba parte Administrasaun atu hili mós fatin estratejiku hodi konstrui
fatin foun ba sira. (*)
OlaTimor - Editór: Tellukoro Jorgin
Foto:
Kordenadór Merkadu Tais, Domingos dos Santos deklara prontu atu kolabora ho
Autoridade Munisipiu Dili hodi muda sai ba fatin negosiu foun. FOTO:
Olatimornews
Sem comentários:
Enviar um comentário