domingo, 5 de fevereiro de 2017

SEKOMS Simu Vizita Hosi SENEK-Portugal

PARTILHAR
DILI, (ANTIL) – Sekretariu Estadu Komuikasaun Sosiál (SEKOMS), Nélio Isaac Sarmento simu vizita espesiál hosi Sekretaria Estadu Negósiu Estranjeiru Kooperasaun Portugal (SENEK-Portugal), Teresa Ribeira ho objetivu atu observa direita implementasaun programa kona-ba kapasitasaun dalen portugues ba jornalista sira iha sala Centro Radio Comunidade (CRC).

“SENEK-Portugal vizita direita implementasan programa kona-ba kapasitasaun portugues ba jornalista sira oinsá ho nia andamentu no lalaok to’o iha ne’ebé, hafoin bele tan oportunidade iha tinan hira tuir mai no oinsá bele hametin relasaun no kooperasaun di’ak liu tan”, informa SEKOMS ba jornalista sira iha salaun CRC, Kintal Boot, Kinta (2/2).

Nu’udar SEKOMS agradese tebes ba vizita espesiál ne’e, espera katak tinan hira mai presiza iha atensaun governu Portugues iha setór komunikasaun sai di’ak liu tan iha futuru.

Tuir nia, la’os iha lingua de’it maibé presiza haree mós iha setór judisiáriu oinsá mak jurista sira ajuda ita hodi elebora lei sira iha área komunikasaun sosiál nian.

Kona-ba prátika ko’alia portugues, SEKOMS hateten, bainhira jornalista sira hakerek notísia ho lian portugues ona entaun bele ajuda oan sira ne’ebé mak eskola portugues hodi hadi’a lian portugues di’ak liu tan.

“Dahuluk simu autoridade governante hosi Portugal, ha’u nunka ko’alia portugues iha ha’u nia vida maibé bainhira ha’u ko’alia portugues iha ámbitu membru governu no enkoraza ita boot sira tuir ha’u atu aprende lian ida ne’e”, katak tan. “Koko atu ko’alia ho sira tanba sira komprende di’ak saida mak ita ko’alia, hanesan jerasaun foun, ha’u iha inisiativa atu hatene ona nusa mak imi sira ne’e labele”.


Entretantu, durante hasoru malu ko’alia kona-ba kooperasaun sira ne’ebé durante ne’e hala’o ona entre governu Timor-Leste no governu Portugal iha Materia Komunikasaun Sosiál nian, no esplora tan posibilidade iha ninia kontinuasaun.

Depois sorumutu, Sekretáriu Estadu nain rua, halo mós vizita ba formandu sira kursu Língua Portuguesa ba Jornalista. Kursu ne’e realiza tanba iha protokolu kooperasaun nian ida entre SEKOMS ho Camões – Institutu Kooperasaun no Lian nian, hosi Portugál, ba ezekusaun projetu Konsultóriu Lian nian ba Jornalista sira, ho durasaun tempu tinan tolu, hahú Novembro tinan 2016 to’o 2019.

Delegasaun Sekretaria Estadu Negósios Estranjeiru no Kooperasaun Portugal, aleinde Teresa Ribeiro, Embaixador Portugal, Manuel António Gonçalves de Jesus, Prezidente do Instituto de Camões de Portugal I.P, Ana Paula Laborinho, Adjunto de Secretária de Estado dos Negócios Estrangeiros da Cooperação de Portugal, João Albuquerque no Adida para a Cooperação na Embaixada de Portugal em Díli, Daniela Pereira. (jornalista: Zezito Silva; editora: Rita Almeida)

Foto: Sekretariu Estadu Komunikasaun Sosiàl, Nèlio Isaac Sarmento simu vizita hosi Sekretaria Estadu Negósios Estranjeiru no Kooperasaun Portugal, Teresa Ribeiro, hodi aproveita haree besik atividade kursu portugues ba orgaun komunikasaun sosiàl sira iha Centro Radio Comunidade Kintal Boot, Kinta, (2/2). Foto ANTIL/Antonio Goncalves
PARTILHAR

Author: verified_user

Publicação luso-timorense sem fins lucrativos

0 comentários: