terça-feira, 21 de março de 2017

CNE: Prosesu la'o ho normalidade

Prezidente Komisaun Nasional ba Eleisaun (CNE) timoroan nian hatete iha loron-segunda katak votasaun ba eleisaun prezidensial sira ne'ebé halo iha loron-segunda la'o ho normalidade no ho hakmatek, lahó insidente tékniku todan sira.

"Laiha rejistu ba akontesimentu todan sira no buat hotu funsiona ho normalmente iha kuaze fatin tomak", Alcino de Araújo Baris explika ba jornalista sira iha balansu dahuluk hosi jornada eleitoral ne'ebé hotu iha tuku tolu loraik, oras lokal.

Alcino de Araújo Baris, maski la avansa ho informasaun konkretu sira, antesipa ona katak taxa partisipasaun "karik sei aas liu duké iha tinan 2012" - bainhira vota ona eleitor hamutuk 78,2% - ho ema barak sei hein atu vota, maski liutiha oras previstu hodi taka urna sira.

"Ha'u bele hatete katak iha partisipasaun maka'as duké taxa partisipasaun iha tinan 2012. Informasaun ne'ebé ha'u iha, ho baze hosi movimentu ne'ebé ami rejista no tanba iha ema barak ne'ebé maka sei hein atu vota, maka sei iha númeru aas tebes", nia afirma ona.

Iha jeral, Alcino de Araújo Baris destaka ona faktu hosi eleisaun ne'ebé la'o "kalma" ho partisipasaun maka'as hosi eleitor sira "hahú hosi dadeer sedu" to'o oras taka urna sira.
"Eleitor sira hatudu ánimu tebes no hakarak partisipa iha prosesu ne'e no buat hotu funsiona hela iha teritóriu tomak", nia hatete.

"Laiha rejistu ba insidente todan sira ka iregularidade ho gravidade", nia afirma ona.

Alcino de Araújo Baris ko'alia ba jornalista sira iha deklarasaun dahuluk iha momentu taka urna sira iha Timor-Leste no bainhira seidauk iha informasaun sira kona-ba partisipasaun ka rezultadu sira.

Informasaun dahuluk sira kona-ba partisipasaun mai hosi fatin rua votasaun nian iha Austrália, liuliu iha Darwin ne'ebé vota ona eleitor na'in 118 hosi eleitor na'in 228 ne'ebé inskritu no iha Sydney ne'ebé vota de'it ema na'in 75 hosi na'in 658 ne'ebé inskritu.

To'o agora seidauk iha informasaun kona-ba votasaun iha Lisboa ne'ebé, hanesan mós ho sidade australianu rua, ema timoroan sira bele vota ona ba dala uluk iha asaun eleitoral ida hosi nia nasaun.

Entre insidente tékniku ki'ik sira ne'ebé rejistadu, Alcino de Araújo Baris hatete kona-ba problema ida iha sentru votasaun iha Dom Caileto, iha munisípiu Bobonaro, ne'ebé votasaun hahú tarde minutu 30 duké oras markadu tanba prezidente meza ne'ebé to'o tarde.

Konfirma mós detensaun ba mane na'in ida ne'ebé bosok hanesan ema seluk hodi halo votasaun iha Cotalala, iha Manufahi.

Iha mós problema sira ba impresaun hosi boletin sira votu nian, ne'ebé iha marka sira iha kandidatu ida no ne'ebé maka halakon ona, la uza iha asaun eleitoral sira.

CNE hato'o mós kesar hosi kondisaun aat sira ne'ebé hetan iha sentru votasaun iha aldeia Lolowa, iha suku Holsa, iha munisípiu Maliana.

Maski hosi urna sira taka ofisial iha tuku 15:00 oras lokal, iha ema balun iha dila hodi hein halo votasaun no bainhira ema tomak hato'o ona nia direitu maka sei taka urna no sei hahú kontajen.

Iha Sekretariadu Tékniku hosi Asisténsia Eleitoral (STAE) no iha Komisaun Nasional ba Eleisaun (CNE) besik hakotu ona preparativu sira hodi simu prosesu ida ne'ebé demora ba kontajen ne'ebé bele demora to'o oras 72 nia laran.

Iha faze dahuluk votu sira nian sei konta nível lokal no hafoin ne'e nível munisipal no ikusmai maka maka sei hahú halo rejistu iha tabela, iha CNE, iha nível nasional.

Salaun ida hosi kompleksu CNE prepara tiha ona hanesan sentru imprensa ida no ida seluk hanesan fatin ne'ebé sei akompaña kontajen sira, ho ekran boot rua no fatin ba jornalista sira no observador nasional sira no estranjeiru sira.

SAPO TL ho Lusa - Foto@ Mast Irham /EPA

Sem comentários: