terça-feira, 21 de março de 2017

Lori CNRT-Fretilin Halakon Kandidatu Sira Seluk

DILI – Kandidatu Prezidente Republika Fransisco Guterres Lu-Olo, lori Partidu raksasa rua hanesan Partidu CNRT ho Fretilin hodi manan iha eleisaun no halakon kandidatu sira seluk.

Tuir Observador Politiku (UNTL) Camilio Ximenes Almeida katak Timor Leste halo tan buat foun ida iha Timor hodi hatudu ba mundu, husi partisipasaun povu TL nian. Maske partisipasaun iha eleisaun nee menus, tanba sosializasaun ladun diak husi governu.

Ita koalia konaba Kandidatu Prezidente nain rua hanesan Francisco Guterres (Lu-Olo) ho Antonio da Conceiçao (Kalohan) ba periodo tinan 2017-2022, ita hare ba FRETILIN, hetan aumentu husi votu husi partidu CNRT, agora dau-daun numeru provizoriu Lu-Olo iha 216, 533 no nia pursentu iha 59,66 no Kalohan iha 109, 963 nia pursentu iha 30,30, konserteza Lu-Olo manan iha primeira ronde, se CNRT la fo apoiu Lu-Olo susar atu manan” hateten Camilio ba STL liu husi via telephone, Tersa (21/03/2017).

Iha intrevista Camilo hatoo dadus eleisaun tinan 2012, hare ba FRETILIN iha apoiantes rihun 142, aumentan tan apoiantes CNRT iha rihun 187, entaun partidu boot rua nee mak halai hamutuk, Partidu Demokratiku (PD) Kalohan ho sira seluk labelela bele kontra partidu rua nee.

Nia mos haklean agora hare Rejiaun Autonomo Espesial Oe-Cusse Ambeno (RAEOA), maske projetu ZEEMS Mari halo buat diak iha neeba, maibe lakon fali ho Kalohan, nee hatudu buat ida segredu nee ema la hatene. Joao Anibal

Suara Timor Lorosae

Sem comentários: