Rezultadu Eleisaun, Jogador Diak Hatene Lakon-Manan

DILI – Rezultadu eleisaun Prezidensial neebe halao, povu fo fiar kandidatura ida neebe mak manan, Timor oan hotu manan tamba sira neebe kandidata Aan mesak Timor Oan.

Tuir Prezidente Republika Taur Matan Ruak katak eleisaun Prezidensial neebe lao buat hotu lao diak, nunee fo rezultadu diak ba nasaun no povu Timor Leste tomak nia diak.

Hau nia Pedidu mak nee jogador diak no professional mak ida neebe hatene manan no hatene lakon, kandidatura neebe manan Timor Manan, Ita hotu manan,” dehan Taur ba Jornalista Segunda (20/03/2017) iha Sentru Votasaun Meti-Aut hafoin Partisipa Elisaun Prezidensial.

Nia hatete Kandidatura neebe mak Povu hili nee mak sai Prezidente Timor Leste nian no espera prezidente foun hadomi povu no nasaun liu-liu katuas no ferik sira iha area rural.

Iha fatin ketak Bispu Deoseze Dili Dom Virgilio do Carmo da Silva husu kandidatura Prezidente nian 8 ho nia apoiantes tomak atu simu rezultadu elisaun neebe povu fo liu husi votasaun. Nia hatete kandidartura neebe deit mak manan iha elisaun tenki kaer metin paz no dame  hodi hamutuk ho kadadidatura sira seluk hamutuk simu desizaun neebe povu fo ba kandidatura sira.

Dom Virgiliuo hatete durante tempu kandidatura nain 8 hotu-hotu hatoo ona programa neebe diak ba povu tan nee hotu-hotu hein desizaun neebe povu fo iha elisaun 20 Marsu.

Nunee mos Eis Prezidente Republika Jose Ramos Horta katak Prezidente neebe eleitu Timor oan hotu tenki iha prezidente nia kotuk, hodi fo apoiu ho vontade no inspirasaun mai husi demokrasia iha Timor. Timotio Gusmao

Suara Timor Lorosae