terça-feira, 21 de março de 2017

Prezidente Foun Tenki Rona Povu Hamos Pensaun Vitalisia

PARTILHAR
DILI – Prezidente foun periode 2017-2022 presiza rona preokupasaun povu, neebe maioria preokupa Pensaun Vitalisia ba Eis titular no eis Membru orgaun soberanu, tamba lei nee fo benefisiu ba deit grupu elite.

Tuir Prezidente Konseilu Nasional Joventude Timor Leste (CNJTL) Maria Dadi Magno katak CNJTL husu Prezidente Republika neebe povu fo fiar sai hanesan aman ba nasaun, tenki reprezenta duni povu Timor Leste.

Ita hein ita nia prezidente foun mai bele konsidera povu nia ejijensia neebe mak halakon pensaun vitalisia,” dehan Maria ba STL Tersa (21/03/2017) iha nia knar Fatin, Farol.

Nia hatete povu hakarak liu mak Prezidente foun hare liu ba asuntu justisa,  no mos lei pensaun vitalisia neebe povu hein maske parlamentu halo ona alterasaun maibe povu hakarak hamos total.

Nia hatete povu hotu hakarak moris iha paz, estabilidade tamba sira hakarak moris diak no iha justisa neebe validu ba ema hotu tamba nee presiza komonga konstitusaun republika.

Iha fatin ketak Direitur Luta hamutuk Mericio Akara hatete politiku sira hotu-hotu iha boa vontade hodi diskuti no prezidente haruka ba tribunal nudar parte ida neebe sidadaun sira presiza apresia.

Nia hatete prosesu ba lei pensaun vitalisia lao tamba nee hein katak ukun nain sira bele hakotu ejijensia publiku nian maske sosiedade sivil hakarak halakon maibe desizaun tomak iha parlamentu tamba nee sira nia knar. Timotio Gusmao

Suara Timor Lorosae
PARTILHAR

Author: verified_user

Publicação luso-timorense sem fins lucrativos

0 comentários: