terça-feira, 4 de abril de 2017

Taur Matan Ruak husu ba tribunal atu avalia konstitusionalidade hosi modifikasaun ba lei eleitoral

Prezidente Repúblika Timor-Leste, Taur Matan Ruak, husu ona iha loron-tersa ne'e ba tribunal rekursu atu avalia konstitusionalidade hosi alterasaun balun iha lei eleitoral, inklui posibilidade hosi deputadu sira bele lakon mandatu tanba violasaun ba disiplina partidáriu nian.

Komunikadu ida ne'ebé haruka ba Lusa hosi gabinete Prezidente nian informa katak Taur Matan Ruak haruka ona iha loron-tersa ne'e ba tribunal rekursu dekretu ida parlamentu nian ne'ebé aprova mudansa dahaat ba lei eleitoral hodi halo "fiskalizasaun preventivu hosi konstitusionalidade nian".

"Iha dúvida sira kona-ba konstitusionalidade ba norma sira ne'ebé relativu ho posibilidade atu deputadu sira lakon mandatu tanba viola disiplina partidáriu nian", hanesan mós mudansa hosi "kompeténsia regulamentasaun nian" ba lei sira kona-ba asaun eleitoral sira hosi Komisaun Nasional Eleisaun sira nian ba Governu.

Prezidente timoroan husu mós atu tribunal analiza norma ne'ebé haree ba krimi "utilizasaun la loos hosi naran ka símbolu" durante períudu kampaña eleitoral nian.

"Prezidente Repúblika konfia atu Tribunal Rekursu esklarese dúvida sira ne'ebé mosu iha intervensaun lejislativu ho importánsia maka'as tebes", hakotu hosi komunikadu ne'e.

Eleisaun lejislativu sei hala'o iha fulan-Jullu.

SAPO TL ho Lusa

Sem comentários: