segunda-feira, 3 de abril de 2017

Prezidente amerikanu hatete katak Estadus Unidus bele hatán mesak hasoru Koreia-Norte

PARTILHAR
Prezidente norte-amerikanu, Donald Trump, afirma ona katak Estadus Unidus prontu ona hodi hatán mesak hasoru programa nuklear norte-koreanu bainhira Xina la aumenta presaun.

Donald Trump ko'alia ba jornal Financial Times loron balun antes simu Prezidente xinés, Xi Jinping, ne'ebé sira na'in rua sei ko'alia kona-ba Koreia-Norte.

"Xina iha influénsia boot ida kona-ba Koreia-Norte. No Xina maka sei desidi atu ajuda ami ho Koreia-Norte ka la'e", nia afirma.

Bainhira Xina la halo, Estadus Unidus bele duni impede atu Koreia-Norte dezenvolve arma nuklear sira ne'ebé bele ataka ema amerikanu sira, hanesan rejimi Pyongyang hatete beibeik iha ameasa.

Bainhira hatán oinsá maka halo, Trump la hatán ida, hodi afirma katak sei la halo hanesan "Estadus Unidus antes, ne'ebé fó sai katak sei ataka iha Médiu Oriente".

Donald Trump invoka ona troka komersial sira ho Xina hanesan insentivu ba Pekin hodi halo buat ne'ebé maka Washington hakarak.

Maski Xina hanesan aliadu diplomátiku no ekonómiku ida Koreia-Norte nian, Pekin afirma katak nia influénsia kona-ba rejimi ne'ebé lidera hosi Kim Jong Un hanesan limitadu.

SAPO TL ho Lusa
PARTILHAR

Author: verified_user

Publicação luso-timorense sem fins lucrativos

0 comentários: