terça-feira, 4 de abril de 2017

Dom Basilio: Lu-OLo Iha Konsiensia, mesak La Halo Buat ida

DILI – Rezultadu Eleisaun Prezidensial neebe mak povu Timor Leste maioria fo Konfiansa ba Francisco Guterres Lu-Olo, hodi ukun durante Tinan lima maibe presiza konsensia katak kuandu mesak labele halo buat ida.

Tuir Bispu Dioseze Baucau Dom Basilio do Nacimento hatete povu nee soberanu nia desizaun iha eleisaun soberanu, tamba nee desizaun neebe mak foti mak vale ba nasaun.

Atu sai Prezidente Republika laos buat ida neebe fasil, maibe hau hanoin Prezidente Lu-olo mos iha konsiensia kuandu nia mesak labele halo buat ida,” dehan Dom Basilio ba Jornalista Sesta (31/03/2017) iha Nia Rezidensia, Pantai Kelapa.

Nia hatete prezidente eleitu presiza servisu hamutuk ho ekipa, Governu no parlamentu no orgaun soberania sira seluk hodi halo kordenasaun nunee bele lori nasaun ba oin. Nia hatete povu hili Lu-Olo ida nee mak Timor Leste nia prezidente durante tinan lima tamba nee desizaun neebe mak povu foti iha elisaun ida nee mak desizaun nasaun desizaun.

Iha fatin ketak Prezidente Republika Eleitu, Francisco Guteres Lu-Olo hatete programa prioridade neebe mak atu halo preparadu on aba prezidensia republika durante tinan lima. Timotio Gusmao

Suara Timor Lorosae

Sem comentários: