Iha
loron-tersa ne'e Xina loke fali embaixada iha São Tomé, ne'ebé taka ona durante
tinan 19 nia laran no iha fulan tolu ho balun liubá hafoin estabelese fali
relasaun diplomátiku sira ho São Tomé & Prínsipe, fó sai hosi responsável
ba negósiu xinés Wang Wei.
"Governu
xinés atribui importánsia boot iha dezenvolvimentu hosi relasaun sira ho São
Tomé & Prínsipe no hakarak hametin liu kolaborasaun pragmátiku iha área
tomak, ho baze iha prinsípiu hosi Xina ida de'it no respeitu maka'as",
hatete hosi diplomata xinés.
"Xina
hakarak apoia iha limita hosi nia kapasidade sira esforsu hosi São Tomé &
Prínsipe hodi hetan dezenvolvimentu ekonómiku no sosial no hodi hadi'a moris
di'ak hosi nia povu no hadi'a kapasidade hosi auto dezenvolvimentu sustentável
nian", nia hatutan.
Ministru
Negósiu Estranjeiru no Komunidade sira saun-tomense nian, Urbino Botelho ne'ebé
loke, hamutuk ho diplomata xinés, plaka embaixada nian, hatete katak asaun
"la'ó hosi determinasaun" hosi nasaun rua no "evidensia
importánsia" ne'ebé fó ba relasionamentu bilateral iha planu internu no
internasional".
"Nune'e,
ami senti orgullu hodi halo fali parte hosi konjuntu hosi nasaun sira ne'ebé
mantén koperasaun ho Repúblika Popular Xina, integra, nune'e, mekanizmu
internasional tomak koperasaun nian ho nasaun ne'ebé hanaran Fórum Koperasaun
Xina-Áfrika no Fórum ba Koperasaun Ekonómiku no Komersial entre Xina ho Nasaun
sira Lian Portugeza nian (Fórum Makau)", nia hatete.
Taka
durante tinan 19 nia laran, edifísiu ne'ebé lokaliza reprezentasaun diplomátiku
xineza situa iha sentru kapital nian, iha Embaixada Angola nia sorin no hateke
malu ho Afrillande First Bank, banku komersial boot daruak hosi arkipélagu.
Serimónia
ne'e asisti hosi ministru sira Finansa, Komérsiu no Ekonomia Azul, Américo
Ramos, hosi Infraestrutura sira nian, Rekursu Natural sira no Ambiente, Carlos
Vila Nova no hos Edukasaun, Siénsia, Kultura ho Komunikasaun, Olinto Daio no
reprezentante sira hosi parte diplomátiku no emprezáriu sira.
SAPO
TL ho Lusa
Sem comentários:
Enviar um comentário