Númeru
hosi ema sira ne'ebé mate iha atentadu loron-segunda ne'e iha metropolitanu
Saun Petersburgu nian aumenta ona ba na'in 14 iha loron-tersa ne'e, fó sai hosi
ministra saúde russu nian, Veronika Skvortsova.
"Ohin,
ami bele verifika katak ema na'in 14 mate: na'in 11 mate iha fatin
akontesimentu nian no na'in tolu mate tanba kanek ne'ebé sira hetan",
ministra hatete ba imprensa.
Ema
na'in 49 seluk sei iha hospital, nia hatutan mós.
Balansu
ikus, avansa iha loron-segunda hosi serbisu antiterorista sira, maka ema na'in
11 mate.
Bomba
ida ne'ebé halo rasik nakfera iha loron-segunda, iha komboiu ida nia laran
entre estasaun metropolitanu rua, iha sentru Saun Petersburgu nian.
Iha
loron-segunda, ajénsia rusu Interfax ne'ebé haktuir Komité Nasional
Antiterorista rusu, hatete katak bomba ne'e karik tau iha komboiu hosi bombista
suisidu ida.
Bomba
ida seluk hetan no neutralizadu iha estasaun metru seluk, iha parajen balun
hosi estasaun ne'ebé nakfera, fó sai hosi ajénsia notísia rusu sira.
Serbisu
sira seguransa hosi Kyrgyzstan informa ona iha loron-tersa ne'e katak
responsável ba atentadu maka bombista suisidu ida hosi Kyrgyzstan.
"Bombista
suisidu metropolitanu S.Petersburgu nian hanesan sidadaun hosiKyrgyzstan ho
naran Akbarjon Djalilov, moris iha tinan 1995", hatete hosi porta-vós
serbisu seguransa hosi Bishkek, iha antigu repúblika soviétiku, ba ajénsia
France-Presse.
"Iha
posibilidade katak nia (Akbarjon Djalilov) hetan ona nasionalidade rusu",
hatutan hosi porta-vós ne'e.
Komisaun
Investigasaun rusu hatete katak investiga hela posibilidade hodi deskonfia
katak hanesan "asaun terorismu ida" maibé hatutan ona katak sei
konsidera mós posibilidade sira seluk.
S. Petersburgu
ohin iha lutu, ho bandeira ne'ebé hasa'e iha metade de'it.
To'o
agora atake ne'e sei hetan reivindikasaun.
SAPO
TL Lusa - Foto@ Anatoly Maltsev /EPA
Sem comentários:
Enviar um comentário