segunda-feira, 3 de abril de 2017

Eladio Hirus ID Falsu Insulta Igreza

PARTILHAR
DILI - Deputadu Eladio Faculto husi bankada FRETILIN, hirus ema sira neebe maka uza ID falsu iha media social, hodi insulta hirakia igreza hanesan amu Bispu sira.

Ita nia amu bispu Dom Basilio do Nascimento halo obsevasaun konaba instituisaun sira neebe maka involve iha korupsaun ida neebe sita PNTL, depois observasaun ida neebe konstruktiva, maibe iha hatan fali husi maluk balu insulta amu bispu, insulta igreza aat teb tebes hau lasimu buat ida nee,” dehan deputadu Eladio, liu husi sesaun plenary, Segunda (03/04/2017).

Nia dehan, Kuandu hakarak kolia kritika bolu igreza naokten I hakarak hasai tiha igreza iha Timor Leste sidadaun ida hanesan nee sidadaun ida ladiak. Deputadu Eladio mos hakakarak husu ba Sekertariu Estadu Komunikasaun nian atu halo kontrolu, hodi buka hatene tok se maka halo ninia intervensaun dehan igreza tenke hamos tiha iha nee, entaun tau fali saida iha nee.

Iha fatin hanesan membru PN husi bankada CNRT Jacinto Viegas hateten, Ema neebe maka uza ID falsu hodi insulta amu bispu, ema nee moral laiha, tanba nee husu ba Ministeiru relevante atu hare kestaun ida nee.

Entretantu Manuel da Costa hanesan observador nasional hateten, Oras nee ema kuaze uza media social liu liu Fecebook sira hadi hatun no insulta malu, tanba nee husu ba Ministeiru relevante atu taka tiha FB nee atu nunee labele kria problema iha rai laran, dehan Manuel. Carme Ximenes

Suara Timor Lorosae
PARTILHAR

Author: verified_user

Publicação luso-timorense sem fins lucrativos

0 comentários: