terça-feira, 4 de abril de 2017

Donald Trump nia mane-foun no konselleiru vizita Irake

PARTILHAR
Jared Kushner, konselleiru no mane-foun hosi Prezidente Estadus Unidus, Donald Trump, agora daudaun halo hela vizita ofisial iha Irake, informa hosi funsionáriu ida hosi administrasaun norte-amerikanu iha loron-domingu.

Kushner halo viajen ho jeneral Joe Dunford, xefe hosi Estadu-Maior Forsa Armada sira nain, hatete hosi funsionáriu hanesan ne'ebé maka lakohi fó sai nia naran.

To'o agora seidauk fó sai pormenor sira kona-ba viajen.

Estadus Unidus lidera koligasaun internasional ida hasoru grupu extremista Estadu Islámiku (EI) no halo ona atake aéreu sira hodi apoia forsa irakianu sira iha rai laran.

Iha fulan liubá, forsa irakianu sira lansa ona ofensivu ida hodi konkista fali parte osidental Mossul nian hosi EI nia liman, ne'ebé hanesan sidade prinsipal hosi norte Irake nian ne'ebé hanesan extremista sira nia fatin defeza. Ema sivil rihun 200 resin halai ona hosi kombate sira ne'e.

Kushner, ho tinan 36, kaben ho Prezidente nia oan-feto boot, Ivanka Trump, oan-feto ida ne'ebé besik liu no iha liu influénsia ba kolaborador sira Donald Trump nian.

SAPO TL ho Lusa
PARTILHAR

Author: verified_user

Publicação luso-timorense sem fins lucrativos

0 comentários: