CNRT Lakohi Tau Kanuru Tohar Ba Nomeasaun PTR-PJR

DILI - Bancada CNRT (Congresu Nasional Rekonstrusaun Timorense) desde uluk kedas lakohi tau kanuru tohar ba iha nomesaun Prezidente Tribunal Rekursu (PTR) no Prokurador Jeral Republika (PJR), maibe CNRT hakarak ezerse nia knar tuir konstituisaun haruka, iha nasaun ida nee.

Kestaun nee hatoo husi Bancada CNRT Deputadu Arao Noe katak, parlamentu halao nia knar, atu hatete deit katak prezidente tribunal rekursu tuir konstituisaun iha artigu 164 halo nia knar hanesan mos prezidente supremu.

CNRT laiha prinsipiu ida katak atu hatama mia nia ema, desde uluk kedas ami too agora CNRT lakohi tau kanuru tohar iha nomeasaun ida nee, maibe CNRT hakarak ezerse deit nia knar tuir konstituisaun haruka,” katak Deputadu Arao iha intervista ba jornalista Tersa (16/05/2017) iha uma Fukun Parlamentu Nasional.

Nia hatete, sira hakarak dehan deit katak parlamentu ezerse nia mandate tuir konstituisaun artigu 95 numeru 3 alina A, katak PN tenke ratifika, tanba nee mak husi PN lahalo ratifikasaun, maibe kabe ba Prezidente Republika neebe iha kompetensia atu nomeia nee, atu foti desizaun hodi hasai kalae, ou ema neebe nomea nee atu rejigna aan kalae ida nee kompetensia orgaun sira nian.

Entretantu Inocencio Xavier hanesan Reprezentante Programa Officer Ajar hatete, haree ba nomeasaun PTR ho PJR nee iha artigu 86 alina J koalia kona ba Prezidente Republika iha kompetensia halo tomada de pose ba PRT ho PJR, neebe agora dadaun Prezidente halo, liga fali ba iha artigu 95 alina 3 koalia kona ba ratifikasaun husi Parlamentu Nasional, maibe konstituisaun fo kompetensia atribui iha lei oan neebe atu regula konstituisaun sira. Guilhermina Franco

Suara Timor Lorosae