Komete Trafiku Umanu Tenke Prosesu Tuir Lei

DILI – Iha ema ruma komete trafiku umanu, tenke prosesu tuir lei, tanba iha prosesu judisial, neebe iha notisia ida dehan katak tian faan ona, ida nee tenke prosesu tuir lei.

Kestaun nee hatoo husi Deputadu Arao Noe husi komisaun A katak, haree ba lei trafiku umanus nian iha ona, hanesan lei brankumentu kapitais no finansamentu terorizmu, neebe se mak komete tenke prosesu tuir lei.

Hau haree notisia ida horsehik kona ba Tian ida faan nia oan ho tinan minoridade ida nee komete krime ida grave tebes, se detekta nee bele dupla, tanba ba ema neebe mak faan no mos ema neebe mak uza,” katak Deputadu Arao ba jornalista Tersa (16/05/2017) iha uma Fukun Parlamentu Nasional.

Nia hatete, agora mandatu ida nee kompetensia iha Psik nian (Polisia sientifika investigasaun kriminal) neebe sei iha indisias ou iha evidensia ruma forte para atu kaer ema ruma, kaer tanba iha prosesu judisial iha, i kodigu penal mos iha.

Iha parte seluk Cesar Valente Komisaun B trata Asuntu Defeza Seguransa no Negosiu Estranjeiru hatete, haree kazu trafiku umanu agora se deit mak komete, mak iha evidensia forte tenke ba kaer nia i halo prosesu investigasaun atu nunee bele lao tuir lei neebe mak iha, tanba iha nasaun ida ema hotu moris iha lei nia okos. Guilhermina Franco

Suara Timor Lorosae