TEMPU BADAK STAE REALIZA ELEISAUN SUKU FOUN

Diretor Secretariu  Tecnico Admistrasaun Eleitoral (STAE), Acilino Manuel Branco, informa katak iha tempu badak  governo  liu husi STAE sei realiza eleisaun  ba suku foun tanba eleisaun Parlamentar besik dadauk.

“Resensiamentu agora lao hela iha teritoriu Timor laran tomak liu-liu iha postu administrative sira inklui mos ba iha suku sira balun espesifiku atendementu tanba liga mos diploma governu nian ne’ebe fo sai husi Ministerio Administrasaun Estatal(MAE)  hodi estabelese tan suku no aldeia foun sira balun ne’ebe ke ita sei espesifika atendementu atu nune’e tempu badak ita bele realija eleisaun para it abele kompleta tiha orgaun suku ba iha aldeia sira ne’e,’Diretur Jeral STAE, Acilino Manuel Branco, ba JNDiario, iha ninia servisu fatin Caicoli-Dili, Kinta(4/5/2017).

Alende Suku STAE mos sei hala’o eleisaun ba iha aldeia balun ne’ebe mak infreta problema hanesan  chefe suku rejigna an, chefe aldeia mate inklui hetan impata no seluk tan.

‘Entaun  ita aproveita momentu ida ne’e para, halo mos eleisaun dala ida ho suku foun sira ne’e, entaun liga ho resensiamentu ita mos halo hela atendementu espesifiku ba iha ne’eba para nune’e it abele hatene eleitor hira mak atualijadu ba iha suku no aldeia foun sira ne’e para ita bele lori trasa entermus de logistika, entermus de preprasaun kondisaun sira seluk para lori realija eleisaun,”Diretor jeral STAE, hatete.

Nia hatete, tuir lei eleisaun do suku nian ne’ebe hatete katak eleisaun sei akontese iha nivel  aldeia tanba ne’e mesmu iha diploma  suku sanolu resin ida maibe na realidade iha aldeia barak mak iha suku ida nia laran tanba ne’e STAE identifika ona katak aldea hira mak sei realija eleisaun  hamutuk 72 aldeias ne’ebe mak sei uja hodi realija eleisaun.

‘Tanba ida ne’e mak alende ita halo hela preparasaun ba eleisaun Parlamentar ita mos atraves de resensiamentu ne’ebe mak iha halo mos atendementu espesifiku ba asuntu sira ne’e para tempu badak realija eleisaun do suku,”Diretor ne’e  afirma. Eno

Jornal Nacional Diário