PARTIDO POLITIKU LABELE PRATIKA MONEY POLITIC

Prezidente Knua Direitu Ekonomiku Sosial no Kultura (DESK ), Gil Guterres hatete, atu garante estabilidade demokrasia iha Timor Leste (TL) Partidu Politika (Parpol) labele pratika money politic.

“Ami nia observasaun durante iha prosesu kampaha to’o remata eleisain jeral prezidensia 20 fulan Marsu tinan 2017 ne’e, hatudu katak iha partidu husi kandidatu balu fasil los halo influensia ba povu nune’e hetan votu barak hodi atinji sira ninia mehi e hanran money politik,” Gil Guterres, ba jornlaista sira liu husi konferensia de empresa mak hala’o iha sentru DESK Taibesi-Dili, Kinta (04/05/2017).

Nia dehan, Knua DESK ninia visaun no misaun ba area pesikiza, advokasia, monitoriza no investiga mak ninia mebru sira esplha iha munisipiu 12 inklui REAOA (Reziaun Especial Administrasaun Oe-Cusse Ambeno), hodi halo observasaun ba prosesu kampanha husi partidu politika.

“Ami nia observasaun durante iha prosesu kampanha eleisaun jeral prezidensial, ami konsege detekta no konklui, iha partidu politiku balu uza money politik, negative kampaye (kampanha negotivu-Reed), Black kampanye (kampanha metan). Maske nune’e ami sei la temi sai naran tantu partidu ka kandidatu ne’ebe ninian,” haforsa Nia.

Prezidente Knua DESK, Gil Guterres hatete, kampanha ba eleisaun parlamenta ne’ebe sei mai ho ninia tensaun aas, husu ba politka nain sira atu ho maduru, dewasa, hodi halo meius influensia hasoru eleitores ne’ebe ho meius saudavel, nune’e labele hafoer demokrasia iha Timor Leste.

Iha sorin seluk, vice Knua DESK, Bermardino de Jesus Moreira sublina, sira detekta iha kandidatu partidu politka balun halo money politika.

“Durante iha prosesu kampaha ba eleisaun prezidensial, ami detekta katak iha partidu politiku husi kandidatu prezidente repulika balun, ba halo influensia ba povu dehan nune’e, ‘imi vota ba numeru kandidatu nee, ami sei fo osan U$ 5,00 – 20,00, maske nune’e ami la temi sai kandidatu ne’ebe refere ninia naran, tanba eleisaun ne’e liu ona, e agora ami fo sai hodi fo hanoin fali ba partidu politika sira nune’e atu antisipa no evita aktu sira ne’e iha eleisaun parlamentar tuir mai,” katak Nia.

Iha fatin hanesan, porta voz Knua DESK, Caetano Anacleto da Silva, hatete, sira ninia parte kontinua prontu atu halo observasaun ba prosesu kampanha hahu husi loron 19 fulan Junhu to’o eleisaun parlamentar mak sei akontese loron 22 fulan Julho tinan 2017 ne’e.

“Ami husu ba eleitores hotu katak, fiar mak partidu politika sira ninia programa e labele fiar sira nia osan,” husu Nia.

Nia dehan, sira sei halo melhoramentu liu tan ba servisu observasaun ne’ebe ho seriu kualidade nune’e bele kontribui ba estabilidade no demokrasia iha Timor Leste. Ito

Jornal Nacional Diário