LEI BANDU KOMANDANTE PNTL DIMITI MEMBRUS

Segundu Komandante Jeral Polisia Nasional Timor Leste (PNTL) Komisario, Faustinho da Costa hateten, regulamentu PNTL la fo kompetensia ba Komandante Jeral PNTL dimiti ninia membru sira ne’ebe mak komete iha kazu ruma.

“Ita uza hanesan ita ninia maluk forsa defesa sira uza hanesan regulamentu  disiplinar, ha’u hanoin kazu sira ne’e labele akontese bebeik, tanba  bainhira detekta hanesan ne’e dimiti kedas, maibe Komando jeral tuir regulamentu ami ninian dadauk ne’e, komando jeral laiha kompetensia dimiti ema ida, ne’e so komandante jeral bele propoin ba  Governu,”esplika Adjuntu Komandante Jeral  PNTL, Komisario, Faustinho da Costa, ba jornalistsira, Kinta (04/05/2017) iha Kuartel Jeral PNTL.

Faustinho da Costa hatutan, kazu agresaun fiziku involve husi membrus PNTL sira dala ruma akontese hasoru komunidade iha terenu.

“Tanba ne’e maka ha’u sempre koalia bebeik,  problema mak regulamentu disiplinar, regulamentu  disiplinar  ne’e mak   nune’e  membrus  PNTL,   ninia  prosesu  naruk.  Ita hatene momos  ne’e sala,  ita disidi  dehan  ne’e sala  ohin hotu kedas laiha,  entaun  nia  iha direitu ba defesa, rekursu no buat oi-oin, kadaves mos bele ba Tribunal Rekursu,”sublinha nia.

Alende  ne’e nia  dehan, kona-ba progregreseu prosesu investigasaun ba kazu agresaun fiziku  ne’ebe mak akontese iha Stadiun Malibaka  Maliana, Munisipiu Bobonaro, foin lalais,   involve membru Bataliaun Ordem Publika, sei iha hela faze investigasaun.

“Ita hasai  ona ekipa  konjunta ba  iha Maliana hodi halo  investigasaun ba kazu refere, no ninia rejultadu seidauk informa ba iha Komando jeral, tanba membrus sira presiza rekolha dadus kona-ba kazu akontesementu   iha tempu ne’eba,”hateten Faustinho da Costa. avi

Jornal Nacional Diário