DILI,
(TATOLI) – Ministériu Edukasaun (ME), ohin iha Sentru Infordepe Balide despede
tan bolseiru na’in 41 ba Portugal hodi hasai kursu lisensiatura, mestradu no
doutoramentu.
Lisensiatura
na’in 23, mestradu na’in 17 no doutoramentu na’in ida hodi hasai kursu iha área
ensinu língua portugeza, dezenvolvimentu kúrikulu, direitu fiskál no
tributáriu, direitu administrativu, direitu maritimu, hortikultura, jestaun
ambientál.
Tuir
mai, jestaun saúde no seguransa traballu, saúde animál/veterinária, ensinu
istória, gastronomia, auditória interna, enjeñária kímika, biokímika no
pilotajen ba ró.
Inklui,
direitu jerál, administrasaun eskolár no jestaun biblioteka, enjeñaria
mekánika, estudu biolojia tasi nian nomós siénsia juridika públika.
Iha
serimónia despedida ne’e, Ministru Edukasaun, António da Conceição fó mensajen
ba bolseiru katak aproveita bolsa no estuda ho didi’ak hodi bele fila fali mai
dezenvolve Timor-Leste.
“Ba
Portugal nu’udar misaun ida husi nasaun. Imi hetan oportunidade ne’ebé oferese
husi governu, ne’ebé ema seluk hakarak hetan maibé la konsege”, nia hameno.
Misaun
ba Portugal katak esperansa inan-aman nian no sei fila mai nu’udar formadu no
ho rezultadu. “Ba estuda, prepara no fila mai ho ema ne’ebé ho kapasidade no
intelektuál hodi kontribui ba hadi’a ita-nia nasaun, ita-nia sosiedade”,
konklui. (Jornalista: Rafy Belo | Editora: Rita Almeida)
Foto:
Bolseiru sira hasai hamutuk ho autoridade Ministériu Edukasaun iha serimónia
despedida
Sem comentários:
Enviar um comentário