DILI,
(TATOLI) – Xefe Bankada Partidu Demokrátiku (PD), Maria Terezinha Gusmão,
hateten lakohi ko’alia konaba eleisaun antesipada tanba ninia partidu hakarak
nafatin fundadór nasaun sira halo diálogu atu hetan rezultadu di’ak ba Nasaun
no povu.
“Konaba
eleisaun antesipada, Partidu Demokrátiku lakohi atu ko’alia, tanba ami
hakarak nafatin diálogu entre maun boot sira hanesan fundadór Nasaun atu túr
hamutuk hodi ko’alia”, tenik ba jornalista sira iha Parlamentu Nasionál (PN),
ohin.
Eleisaun
antesipada ka la’e kompeténsia Prezidente Repúblika (PR), maibé fundadór Nasaun
sira iha responsabilidade morál no polítika atu tau buat di’ak ba Nasaun no
povu.
“Sira
mak responsabilidade másimu no laiha tan ema seluk kria situasaun hakmatek no
tau Nasaun iha dame no estabilidade”, dehan tan.
Mesmu
nune’e nia informa tan PD ne’ebé halo koligasaun ho FRETILIN hodi forma governu
ne’e prontu hasoru situasaun saida de’it, enkuantu dalan eleisaun antesipada
mak di’ak ba povu ne’e, tanba tuir nia kuandu hili ona sai partidu ida bainhira
iha laloran boot no anin boot tenke simu no lori tau iha kabas hanesan
responsabilidade.
Prezidente
Repúblika, Francisco Guterres Lú Olo, hatan ba komunidade Kovalima konaba
situasaun polítika maka sei rezolve tuir dalan konstituisaun nian kuandu laiha
konklusaun iha diálogu.
“Ha’u
promove diálogu dalabarak ona ho líder sira hotu, maun boot sira iha
rezisténsia armada, inklui ha’u nia komandante rasik Maun Xanana, maibé agora
nia servisu barak labele partisipa, ha’u hatene saida mak nia hakarak mak oinsá
atu garante estabilidade governativa ida”, hatan Xefe Estadu iha Kovalima foin
lalais ne’e.
Biban
ne’e mós Xefe Estadu husu povu tomak atu hakmatek no fó fiar nafatin ba líder
sira katak problema ne’e sei iha solusaun iha tempu badak.
Jornalista:
Julia Chatarina | Editora: Rita Almeida
Sem comentários:
Enviar um comentário