sábado, 5 de maio de 2018

Governu Nova Zelándia Kontinua Oferese Bolsa-Estudu ba Timoroan

PARTILHAR

DILI, (TATOLI) – Governu Nova Zelándia kada tinan kontinua oferese bolsa-estudu ba timoroan hodi hasai lisensiatura no majistradu iha área agrikultura, teknolojia informátika, jeolojia no seluk tan.

Embaixadora Nova Zelándia ba Timor-Leste, Vicki Poole, hato’o kompromisu ne’e durante seremonia fahe sertifikadu rekoñesementu ba bolseiru 24 ne’ebé remata ona estudu iha 2013 no 2015, iha embaixada Farol Dili, ohin.

Hosi 24, nain 18 maka simu ona sertifikadu. Entretantu nain neen seluk la marka prejensa.

Kada tinan governu Nova Zelándia oferese bolsa-estudu ba timoroan 15 hodi reforsa rekursu umanu ba konstrusaun Estadu no Nasaun.

Ministru Negosiu Estranjeiru no Koperasaun, Aurélio Guterres, hateten Nasaun ne’e fornese ona bolsa-estudu ba timoroan hahú kedas okupasaun Indonézia to’o ohin loron.

Governu TL agradese ba apoiu ne’e tanba bele prepara timoroan ho kualidade iha área jestaun ambientál, sosiais, informasaun no teknolojia, agrikultura no seluk tan.

Reprejentante bolseiru, Anderias Tani, agredese ba governu Nova Zelándia ba oportunidade ne’e. “Ami agradese tanba oferese bolsa-estudu ba timoroan”, dehan.

Jornalista: Agapito dos Santos | Editora: Rita Almeida

Imajen: Bolseiru sira ne’ebé simu sertifikadu agradesementu iha embaixada Nova Zelándia Farol, ohin. Foto Tatoli/Agapito dos Santos
PARTILHAR

Author: verified_user

Publicação luso-timorense sem fins lucrativos

0 comentários: