Mosu Tan Eleisaun, Sinal Aat Ba Demokrasia

DILI - Relasiona ho deklarasaun Prezidente AMP Kay Rala Xanana Gusmao liu husi kampana iha Ambeno hateten, karik povu hili sala ema, maka sei mosu tan elisaun antisipada, tanba nee sosiedade sivil konsidera katak, karik iha elisaun tan maka nee hatudu sinal aat ba demokrasia.

“Hau lakohi atu julga uluk katak, sei iha elisaun antisipada tan ka lae, karik maka mosu duni, nee hatudu sinal aat ba demokrasia, tanba nee husu partidu politik sira atu respeita povu nia aspirasaun, tanba demokrasia hatur iha povu nia liman,” preokupasaun nee Diretur Ezekutivu Ajar, Jose Luis Oliveira haktuir ba STL iha nia knaar fatin Farol, Dili, Sesta, (03/05/2018).

Nia hatutan, partidu politik sira tenke respeita povu ninia vontade, karik iha loron 12 fulan Maiu mai nee maka povu la hili ona partidu  a ou b, maka tenke simu realidade, oinsa bele koopera hamutuk hodi forma governu, atu nunee labele mosu tan elisaun.

Iha fatin hanesan Diretur ezekutivu Yayasan HAK, Manuel Monteiro hatutan, elisaun ida mai nee maka laiha partidu ida manan votus maioria absoluta maka labele forma governasaun mesak, maibe tuir konstituisaun hateten katak tenke halo koligasaun maka foin forma governu ida nee maka save. 

Notisia kompletu lee iha jornal STL edisaun Sabado, (05/05/2018)

Madalena Horta/Guelhermina Franco | Suara Timor Lorosae