Komunidade musulmanu Timor-Leste
prontu koopera ho Polísia Nasional Timor-Leste (PNTL) no
FALINTIL Forsa Defeza Timor-Leste (F-FDTL) hodi kombate ameasa
terorizmu karik iha.
Ami husi parte komunidade musulmanu
Timor-Leste prontu kolobora hamutuk ho
parte seguransa no defesa hodi garante paz
no estabilidade iha rai doben Timor-Leste, esplika Prezidente
Conselho Nacional Islamico de Timor-Leste (CONISTIL), Haji Ahmad Ali Alayubi,
liu husi konferensia imprensa Sabadu (19/05/18), iha salaun Masjid An-Nur-Díli.
Ahmad Ali Alayubi, lori
komunidade musulmanu Timor-Leste nia naran
hato´o sentimentu kondolensia no
solidariza familia vitima sira ne´ebé hetan
atake husi terrorista iha Igreja
tolu iha Surabaya- Indonesia, foin lalais ne’e.
Ahmad Ali Alayubi husu autoridade
servisu investigasaun kriminal atu investiga fontes balun ne´ebé
lansa husi akun facebook, Uru Belo, Savio Rusu, Malay no
muslim Islam, larawono Guterres, koronel Castro.
“Sira ne´ebé pasa
informasaun falsu iha sosial
media katak, ami nia ema musulumanu Timor oan
sira envolve ka hola parte hanesan parte
terrorista. Maluk sira musulmanu Timor-oan sira ne’ebé mak
mensiona iha media sosial ne´e ami klarifika
katak, sira ne´e ba iha Indonesia no fila mai Timor-Leste
iha Sesta (18/05/18) ba tuir programa aksi dangdut akademi
Islam (DAI) 2018”, dehan Haji Ahmad.
Antes nee Komandante Jeral PNTL
Komisariu Julio Hornay no Xefe Estadu Maior Jeneral FFDTL Major Lere Anan Timur
preokupa mos ho akontesimentu bomba suisida husi grupu terorista iha Surabaya
Indonezia neebe hamate no hakanek ema barak.
Parte seguransa mos apela ona ba
publiku atu informa atutoridade seguransa bainhira hetan ema foun neebe
deskonfia/hodi halo investigasaun. avi
GMN TV | Grupo Média Nacional
Sem comentários:
Enviar um comentário