sábado, 5 de maio de 2018

Lere Apela Forsa Rua Labele Hali'is ba Partidu


DILI: Xefe estadu Maiór Jenerál FALINTIL-Forsa Defeza Timor-Leste (F-FDTL), Majór Jenerál Lere Anan Timur apela ba forsa rua, F-FDTL no Polisia Nasionál Timor-Leste (PNTL), atu kontinua kumpre misaun no labele hali'is partidu ruma.

“Ha’u apela ba instituisaun rua ne’e forsa defeza ho polísia tuur hakmatek kumpre imi nia misaun, labele tama hali'is ba partidu ida”, dehan nia, iha Palásiu Prezidensiál, Bairru-Pité, horisehik.

Majór Lere hatutan, Timór seguru ona bele eleisaun antesipa dala haat to’o dala lima mós seguru ona, maibé kuandu povu maka halo justisa dala ruma sira ba fali kampaña buti mate sira iha kampaña laran mós iha.

Tanba ne’e, lakon tempu agora, tempu halo toos polítiku sira ba halo kampaña, pior liután bainhira mobiliza populasaun sira sa’e karreta dezastre, ne’e problema boot tan.

“Ha’u hanoin katak eleisaun antesipada ne’e dala rua tan ne’e bele, maibé ba ha’u dehan labele, agora eleisaun dia 12 Maiu mai ne’e ita tenke manan ona atu bele lori ita nia nasaun ne’e ba oin, ida ne’e mak importante”, tenik nia.

Cristina Ximenes | Independente

Sem comentários: