Dom Basilio: Inan Feto Neebe Soe Bebe Kontra Maromak Nia Ukun Fuan

DILI - Bispu Dioseze Baucau Dom Basilio do Nasimento hateten, Nai maromak nia ukun fuan lima nee hatete, keta oho, ketak halo at ema, tanba nee bainhira inan feto sira neebe mak soe sira nia bebe nee kontra maromak nia ukun fuan.

Nai maromak nia ukun fuan lima nee hatete keta oho, keta halo at ema  nee duni buat hotu tama iha situasaun ida nee laos Bispu mak tesi, maibe maromak nia ukun fuan mak tesi, nee duni atu soe bebe ka bebe neebe  oho  sei iha inan kabun laran ema nee ema, nee duni maromak nia ukun fuan se mak at ema seluk nee hasoru maromak nia ukun fuan,” dehan dehan Dom Basilio, ba jornalista sira bainhira remate enkontru ho PR Francisco Guterres Lu Olo, iha Palasiu Prezidente Nicolau Lobto, Dili, Tersa ( 23/10/2018).

Portantu iha biban nee mos Dom Basilio hateten, Bispu sira halimar haksesuk malu dehan Iha Asia nee nasaun ida neebe mak katolik ida ke boot liu entaun Timor Leste hadau malu bebeik ho Filipina boot liu, Filipina dehan sira boot liu.

Iha parte ketak Segundu Komandante PNTL Komisariu Faustino da Costa hateten, kazu soe bebe  iha rai laran liu liu Dili, nee kuaze fulan fulan, nunee  fulan Agostu nee ema soe bebe iha rua.

Nia dehan, kazu sira nee hotu PNTL prosesa ona no prosesu nee lao hela, agora mate isin bebe nee lori ba ospital hodi bele halo autopsia, autopsia  para  hatene sera ke bebe sira nee moris mai nia mate kedan ka ou sira moris mai ema balu maka hamate sira. 

Notisia kompletu lee iha jornal STL edisaun Kuarta (24/10/2018)

Carme Ximenes | Suara Timor Lorosae