SEM sei ajuda dezenvolve atividade ekonomia feto iha area rural

DILI - Sekretaria Estadu ba Promosaun Sosiu-Ekonomiku Feto (SEM) sei ajuda kontribui asaun feto sira iha dezemvolvimentu ekonomika iha area rural hanesan suporta gropu feto sira. Diretora Jeral SEM, Maria Jose Sances ba jornalista BT kuarta 22/04 iha nia servisu fatin hateten  katak, SEM nia papel inprinsipiu atu promove jeneru ne’ebé hanesan  iha nivel hotu-hotu atu kontribui ba feto iha area ekonomika liu-liu feto area rural sira, tanba durante IV governu V governu sira orsamentu fundus transferensia publika atu bele suporta gropu feto sira ne’ebé mak hakarak dezemvolve sira nia’an iha aktividade ekonomia.

Nia mos hateten iha VI governu SEM kontinua nafatin fo kontribuisaun  ba gropu feto atu nune’e hodi hatutan sira moris hanesan gropu ki’ik sira no servisu hamutuk mos ho ONG sira atu dezmvolve feto sira liu liu  iha area ekonomia atu kapasita no indentifika feto sira iha area negosiu ruma. “Tanba ne’e ami servisu hamutuk ONG APSTL fundasaun feto iha Oe-Cose iha dezemvolvimentu sentru dezemvolvimentu komunitariu  Baucau, kona ba vida emprejariu ami sidauk indentifika tanba durante ne’e ami fukus liu ba gropu ki’ik  hanesan loke Kios alfaiyati,” dehan nia.

Nia dehan tinan ne’e SEM sei suporta gropu gropu potensial sira  iha Atauro no Natarbora husi gropu  ne’e sira fo treinamentu atu kapasita sira iha area gestaun negosiu no akuntavilidade. Nia informa SEM mos identifika iha munisipiu 3 hanesan Likisa, Ermera no Aileu. Alende ne’e diretora jeral ne’e esplika tan katak, iha loron 27 fulan ne’e sei servisu hamutuk mos ho  IADE atu fo kapsitasaun ba feto sira  iha area kontrator, no  sei servisu hamutuk mos  ho organizasaun internasional UN WOMEN hodi halo konsultasaun ba aktividade sira ne’ebé bele tulun dezenvolve feto sira iha area rural. “Iha VI governu ami servisu mak atu fo kapasitasaun ba violensia domestika fo treinamentu kona ba bazea generu maibe sira mos atu aprezenta relatoriu no atu halo selebrasaun ba loron feto nasional iha area rural,” nia esplika. (BT)

Business Timor