VIZITA AUSTRALIA-NOVA ZELANDIA, HERNANI HASORU TAUR

DILI - Atu hametin Koperasaun iha area defeza, Ekonomia, Politika sosial no asuntu seluk, Ministru Negosiu Estranjeiru Hernani Coelho hasoru Malu ho Prezidente Republika Taur Matan Ruak, hodi informa nia vizita ba Australia no Nova Zelandia nebe sei halao iha tempu badak.

Hafoin Hasoru malu ho Prezidente Republika Taur Matan Ruak, Ministru negosiu Estranjeiru Hernani Coelho hatete hasoru Prezidente hodi Informia ba Xefi Estadu kona ba vizita nebe atu halao ba Australia no Novazelandia.

Vizita ofisial hau halo ba Australia no Nova Zelandia, ita sempre koalia kona ba Asuntus Ofisial hanesan Kooperasaun iha area defeza ninian, Ekonomia, Politika social no mos asuntu sira seluk,” dehan Hernani ba Jornalista, Sesta (15/05/2015) iha Palasiu Prezidensial Nicolao Lobato.

Nia hatete vizita ofisial nebe mak halao sempre informa ba prezidente konaba relasaun entre Timor Leste ho Australia no Novazelandia, inkliu rona mos opiniaun no Orientasaun husi Prezidente.

Iha fatin hanesan Komisaun Organizadora 20 Maiu atual Sekreariu Estadu Administrasaun Interna Samuel Mendonca mos hasoru malu ho Prezidente Republika Taur Matan Ruak, kona ba preparasaun 20 Maiu nebe sei halao iha Munisipiu Bobonaro. Informasaun kompletu iha STL Jornal no STL Web, edisaun Sabado (16/5/2015). Timotio Gusmao

Suara Timor Lorosae