DILI
– Publiku tomak preokupa ho pensaun vitalisia neebe maka fo ba ukun nain sira
tanba hamosu diskriminasaun iha sosiadade nia let, tanba maske ema nee la
produtivu ona maibe fulan-fulan tenke simu osan estadu.
Tuir
Fernando Bernadino Soares, neebe hanesan observador Politiku iha estudu fatin
UNTL Caikoli hatete, redus pensaun vitalisia neebe maka politiku nain sira
hakilar iha tempo kampanha nia laran hanesan promesa falsu ida hodi bele salva
sira nia posisaun.
Koalia
konaba pensaun vitalisia laos povu mesak mak kestiona maibe politiku nain sira
rasik mos kestiona iha tempo kampnaha partidu nia laran. Hotu-hotu ba hakilar
dehan se imi hili ami depois ami sae bot ami sei diskute hodi redus pensaun
vitalisa maibe too oras nee saida mak akontese ita hotu hein hodi kestiona
maibe sira halo vinje la rona ida nee mak sira nia promesa falsu ba povu tomak,”
hatete Bernadino.
Nia
hatutan liu hosi pensaun vitalisia mos hamosu ona diskriminasaun iha sosiadade
nia let tanba ho pensaun vitalisia hariku no fo moris diak deit ba grupu kiik
oan balu, maibe maioria povu TL sei moris iha kiak no mukit nia laran.
Nunee
mos Grigorio da Cunha, hatete pensaun vitalisia hanesan korupsaun legal ida
neebe mak akontese iha rai laran, tanba liu hosi pensaun vitalisia mos hatodan
Orsamentu Jeral Estadu nian tinan-tinan tanba selu ema neebe mak la produtivu
ona. Informasaun kompletu iha STL Jornal no STL Web, edisaun Sesta (28/8/2015). Thomas
Sanches
Suara
Timor Lorosae
Sem comentários:
Enviar um comentário