Timor Oan Matenek Barak, Tenki Hapara Asesor Internasional

DILI - Timor oan oras nee matenek barak tan nee governu tenki hapara hasesor Internasional, hodi promove Asesor nasional atu hatudu ba Mundu katak Timor oan mos bele hanesan nasaun Soberanu.

Tuir Reitor IOB, Ausgusto Soares katak Timor oan matenek barak maibe  governu uza nafatin asesor internasional governu tenki fo fiar ba timor oan sira katak Timor mos bele halo buat nebe mak diak ba povu no nasaun Timor Leste.

Ita nia governu mos tenki fiar ita nia Timor oan nebe mak matenek barak, duke ita bolu Asesor internasional nebe foti la relevante iha ita nia nasaun tamba nee ita tenki hatudu katak ita bele, ita Timor oan bele sai asesor,” dehan Augostu ba STL Segunda (05/10/2015) iha Kampuz UNPAZ, Aimutin.

Nia hatete salariu ba Asesor Internasional sira boot teb-tebes kompara ho asesor nasional sira, maibe halao servisu mos laiha mudansa, lolos governu uza orsamentu nebe mak iha selu nain ida deit diak liu selu timor oan.

Iha fatin ketak Peskijador Organijasuan Non Govermental Lao Hamutuk, Juvinal Dias, hatete lolos nee asesor timor oan sira nia salari labele boot liu Prezidente Republika, maibe governu gasta osan liu ba tekniku profesionais sira iha governu. Informasaun kompletu iha STL Jornal no STL Web, edisaun Kuarta, (7/10/2015). Timotio Gusmao

Suara Timor Lorosae