DILI,
(ANTIL) – Xefi Estadu Maior Jenerál FALINTIL-Forsa Defesa Timor-Leste
(F-FDTL), Lere Anan Timur husu ba Parlamentu Nasionál hanesan reprejentante
povu atu haree povu nia realidade moris, bainhira halo diskusaun ba
lei pensaun vitalísia.
”Ha’u
nu’udar veteranu kontra, tanba veteranu barak mak laiha kondisaun moris no
hamosu injustisa iha sosiedade”, Lere hateten ba jornalista sira iha kuartel
jerál Fatuhada, Dili Kinta (25/8).
Dadaun
ne’e, komisaun espesializada Parlamentu Nasionál halo pareser no diskusaun iha
jeneralidade hodi hetan aprovasaun. Maioria deputadu sira konkorda, atu halo
duni redusaun ba regalias balun no salariu baziku.
Tuir
lei ne’e, eis deputadu no eis titulares hanesan Prezidenti Repúblika, Primeiru
Ministru no membru parlamentu sira, bele simu pensaun to’o pursentu 100, hosi
sira-nia salariu momentu sei ka’er kna’ar, aumenta osan atu halo
tratamentu saúde, osan atu halo uma foun, telefone, internet no seluk tan.
Regalias
hirak ne’e hetan, bainhira sura ninia pensaun no hala’o kna’ar durante fulan 42
ka tinan 3,5 de’it. (jornalista: Manuel Pinto; editora: Rita Almeida)
Foto:
Atividade iha Parlamentu Nasionál. Foto ANTIL
Sem comentários:
Enviar um comentário